درر العراق

ღ عِشق ღ · 22/July/2024

دولة إسمها معالي أُم الحضارة
دولة شعبها خيالي وكت الزيارة
بيها تلگه ريحة الطف
والقداسة يمها تنكف

-

١

يحضر موسى ودموعه محبوسه
والحب قيسه من يلتقي بـ عيسى

كل العالم نوح وآدم يحيى وهود وصالح
حتى اسحاق اهواي اشتاق وشوگ ابن آدم واضح
طب الياس اعله العباس وذاك الملگه المالح
لم داود هدومه السود وگلهم للطف رايح

قصة بطلها محامي عن العقيده
قصة كتبها إمامي من دم وريده

البطولة بيها تصطف
والقداسة يمها تنكف

-

٢

اسأل عني كلشي انطلق مني
مهبط آدم حورية العالم

عندي الأنزع عندي الأشجع سيف الله القاطع
شيخ الموقف والكل ترجف من تسمع بالقالع
عندي الاعلم عندي الاقدم عندي الصيت الشايع
يظهر عندي نور المهدي والاحرار اتبايع

ضيفي اقدسه وأصونه مثل الكرامه
ضيفي أمانة أبونا فخر الإمامه

للزيارة هالقلب رف
والقداسة يمها تنكف

-

٣

غيرة صارت زينب علي وثارت
راية وفت بيد الگمر رفت

شوف المنظر عابس خضر بصدور الوفايه
الأب والجد لبسوا أسود من اقماش الرايه
وادم فطره وباب الحضره من العام امحنايه
ضعف العمره وحج الفقره يسمون المشايه

شيعة واسمنا بداية شجـرة مُحمد
شيعة واسمنا نهـاية كل طاغي مرتد

للقضية كل جدم خف
والقداسة يمها تنكف

-

٤

اسمي الثاني ارض السواد اني
خيري دائم من هسه للقائم

سري الاول تفرح تزعل داحي الباب ابگاعي
سري الثاني ماطيح اني بيد حسين اشراعي
سري الثالث اني الوارث من عباس ذراعي
سري الرابع گالوا ضايع لأهل البيت ايداعي

اسمي كتبتـه موالي بيت النبوة
اسمي يحسه مغالي الماعنده خوة

بالأئمة گاعي تنظف
والقداسة يمها تنكف

-

٥

لهفة بيه بالأربعينيه
گاعي فدوه للزاير القدوه

فاتح بابي ومن ترابي تشتم ريحة عصمه
مايي الجاري وكل انهاري للزاير من يضمه
صاير ناعي وناذر گاعي للموكب والخدمه
ابن الزهره اليجهل قدره فدوة يروح لأسمه

ادري خدمتي عبادة مو للتباهي
ادري خدمتي سعادة واجب إلهي

بالطهارة چني مصحف
والقداسة يمها تنكف

-

كلمات الشاعر - محمد رسول الحميري
تدوين - zahralobaidi

-

تحميل / إستماع
MP3