اباب المخيم چودرت ومتاني
ساعه الك وجهي ساعه يم نسواني
ولا شيله خويه عليك ما معگوده
عباس لا تنساهن وتنساني
تعبان اخوك وحيله من الوجع ذابل
مو ذاك التعرفه صار الحسين مايل
لو بس يرد طيفك ميخالف وقابل
گلي موت ولا تگول
افراگي وياكم يطول
احچايه كلش ما احبها
عوفني هسه انه اموت
شلون يطلع اعليهه صوت
زينبك شنهي ذنبهه
بس انت ضليت من العزاز
محتاز اخيك ناس محتاز
گوم احمي ظهري شلون ما چان
" عباس والعباس تعبان"
انه البظهره الكسر نيشانه
انه الگضو ربعه وهله وخوانه
انه البعازى واحد ايتچيله
عباس باوع عالخيم بس انه
گوم الحگ الگلبي يالبالگلب گاعد
سبعين الف شامت دارو على واحد
ما رايد أميه بس فزعتك رايد
العطش خله يزود حيل
وخلها بيه تدوس خيل
ولا يدوس بگلبي شامت
اشكال گالو عن اخوك
عذبوني وعذبوك
والحچي بضلوعي نابت
صاحو وشفت الموت بالعين
ولا زلمه ضل بظهر الحسين
يضحكون وانه ابچي اعلى الإخوان
" عباس والعباس تعبان"
ياهو غيري النا سلم نوماسه
والشيب صار بگلبه موش براسه
ترضاها ما ترضاها وانت بكيفك
شويه ويطيح حسين يا عباسه
عباس خويه الحگ گوم الزم اكتاري
شويه ويسلبوني ويطلعن اسراري
انه استر الوادم يا حيف اضل عاري
الناس من يطيح شيخ
كلها تتراكض عليّه
تشيله وتعدل غترته
انه شلون بيه اطيح
وانه ما ضلتلي ناس
اخ يحسين وفشلته
عباس اذا عندك نفس گوم
عريان شيخك ترضى عريان
" عباس والعباس تعبان"
كون انه گبلك منذبح ومسلب
اليضل اخر واحد شگد يتعب
عباس خيعونك متت خيعونك
مو مثلي راح تشوف رگضة زينب
يذبحوني بالسيف وبيهه يذبحوني
يرگضوهه گدامي خويه ويهضموني
كل ما اريد الحگ زينب يسحگوني
راح أشوف وراح اشوف
صياح ومراكض وخوف
الوينه وينه اگبالي يركض
اسمعهن يگللي بس گوم
شلون اگوم ابلايه الهدوم
شلون تخلص گلي وتفض
لا اگدر اغمض جفني وارتاح
ذباح يشمرني اعلى ذباح
وبعيني أشوف اركاض نسوان
" عباس والعباس تعبان"
أداء الرادود _ علاء التميمي
كلمات _ ابو ضامن محمد الزيدي
رد مع اقتباس
