هنا

[NAZ‌]

باسم الكربلائي
قصيدة : مو بالقبر بالروح
للشاعر : سيد زيد الفحام
: ليالي محرم الحرام
: ليلة 14 محرم 1446 هـ
:المجلس الأعلى الإسلامي العراقي قاعة الانتصار بغداد


مو بالگبر بالروح ادفن حبيبي

جيت من درب السبي لازمني صبري
رايد ادفن والدي ودموعي تجري
والله بمصابه متت ونكسر ظهري
گبل گبره ينحفر ياريت گبري
ما يشفه جرحي يسيل ميت طبيبي
مو بالگبر بالروح ادفن حبيبي

والله كل خطوه اصيحن وا حُسيناه
بيدي لازم ظهري آه تصيح وي آه
ويلي ابوي حسين دامي شلون عفناه
مكسّره ظلوعه يويلي ما دفنّاه
كلما قربت عليـــه يكثر نحيبي
مو بالگبر بالروح ادفن حبيبي

ويلي ويلي من وصلت الغاضريه
شفت ابويه حسين طايح عالوطيه
كسرت ضلوعه خيول الاعوجيه
منين ما شيلنّه يوگع منّ اديه
مو عجبه لو عالراس يغزيني شيبي
مو بالگبر بالروح ادفن حبيبي

شلون الي روح وگلب گبره حفرته
بالحصيره لملمت جسمه وجمعته
انهدم حيلي احس لمّن حملته
جسم ابويه حسين بچفوفي شبگته
مو بس ابو ياناس خِلّ وصحيبي
مو بالگبر بالروح. ادفن حبيبي

نحر ابوي حسين حاچاني سمعته
ادفن وياي الطفل مذبوح عفته
دوّريته بدمعتي ولحسين جبته
ويّه ابويه حسين خلّيته ودفنت
هلت التراب عليـــه عمري ونصيبي
مو بالگبر بالروح ادفن حبيبي

اسمعت صبرا ياعلي من السموات
لن هتف صوت الوحي ابنبرة مواسات
روحي ياناس اطلعت لو باقي لحظات
ينحب اليدفن ابوه يرتاح هيهات
ياربي من دنياي قرّب مغيبي
مو بالگبر بالروح ادفن حبيبي

ابوذيات: مايه ، ظليت ، طفاك
للشاعر ناظم الحاشي


الفرات الما يشگ الگاع .. مايه
الك والعافك وللخيم .. مايه
عساني ما ضگت يحسين .. مايه
وعليك الما يحل يحرم عليه

ظلك راح عني البيه .. ظليت
عليّه والدرب يحسين .. ظليت
بعدك تدري خويه شلون .. ظليت
اسيره واليتامه اتحيط بيّه

يبو السجاد ضيم الحزن .. طفاك
شعل جبدك ولا من ماي .. طفاك
انا من اذكر مصيبة يوم .. طفك
احس نار الخيم تشتعل بيه

[ســـــجـــــودي ﹩ʝ☹]

شكرا نور

[NAZ‌]

نورت..