اليوم ناويهه ايلاگيهة مسلم والنعم
اترجل الكوفة وطب خوفة بصدور الزلم
مسلم بحيلة ودخيله من ينگل جدم
ما يهد حيفة فر سيفة واندار الشهم
حاس الزلم بيدة وتلوح البعـــــيدة
الشارة اسواية علي وگدها
والكوفة واعدها ابغارة
***
اهد اعليهم يمسلم اكتل بيهم
اكتل بيهم يمسلم اكتل بيهم
***
يهجم الحومة من يومة يرعد من يكر
هو راعيهة ويگضيهة يوليهم سطر
چفة صاگرهم من طبهم وازرهم وزر
من يحل فرضة شيكضة ايطبهم للقصر
لو رايد اذيلهم بالراية يكتلهم قادر
يسحگ مراجلهم بجدامة يفركهم قادر
***
شل اديهم يمسلم اكتل بيهم
اكتل بيهم يمسلم اكتل بيهم
***
طوعة توميلة والعيلة ردهة ابيمنتة
خالس الملعب واليگرب بايع رگبتة
مسلم السادة والقادة فنهة اللاگتة
الله بزنودة حط زودة وتشهد ضربتة
مشهودة الة وتحلة والشيمة الة ولهلة امشيم
ما تنلوي چفوفة مر ضوگ الكوفة مسلم
***
خلص حيلهم اكتل بيهم يمسلم
اكتل بيهم يمسلم اكتل بيهم
***
يگلب المهرة بالخزرة كدامة انچفت
ماكو چارة واخبارة بالكوفة انحچت
الزلم طشهة تناوشهة وعالخيل انتچت
سايگ الديرة والغيرة وياه عاركت
شيخ الحرب كرهم ياخذهم وردهم موته
محد يجر نفسة والعسكر ايخلسة ابصوتة
***
شرد خيلهم يمسلم اكتل بيهم
اكتل بيهم يمسلم اكتل بيهم
***
غارت اعيونة ايشوفونة منضر حيدرة
يردم الساحة بالساحة ليث الزمجرة
غيم الزرگة والطگة الحايط عبرة
غيرة احسينة ويمينة سبع الگنطرة
چفين ابو فاضل مسلم نزل شايل عزمة
والخيل اذا جرهة يگطع معابرها زلمة
***
طبت حيدر يمسلم اكتل بيهم
اكتل بيهم يمسلم اكتل بيهم
https://youtu.be/w5TeSJkIgdo?si=akCGjWYHCvvoU6Kc
رد مع اقتباس