شلون ماجان افزعلنه حسين لم روحك بديك
الخيل وانا وكلشي يوجع كلهن التمن عليك
خوية گلي انا ياهي كون بعدك تذكر اختك
خاف زعلان اعله زينب ونايم بگدما ندهتك
ياعزيز وكلش يرخص يم غلاتك حته بزري.
عون لاگاني وعبرته وجيت يمك وانتَ تدري
خوية موش اعتاب اجيتك شوگ يحسين اعتنيت
تعمدت گدامك اعثر بلكت تفز واستحيت
تگعدك الخيل اعله حيلك بالسحگ وترد گضيت
خوية مو فزعه لخواتك گوم وتلگاني فشلة
تنحجي بظهرك عله اختك شبعت من الخوه ذلة
كلشي ماكاسرني غيرك عيونك الماهنه يمي
كلشي ماريدن وحكك صيحني اخر مرة باسمي
حسين فك عينك واخذني الخوف ماخلالي راي
الگاع من جدامي تعبت ياركض ياخوه هاي
مو زلم تركض وراي افراكم يركض وراي
كوم حگ الخوه وارجع لا يضحكون الشماته
لا يشمتون ويضحكون حسين ماگام لخواته
گوم كلشي الجان الية وداعتك مو مال نومه
الهاضمتني الناس غربة وزينب انه وهاي حومة
طاحت عيوني اعله جرحك وانحصر بعيوني ليل
اللهفة بدتني اعله نحرك والعطش ماخله حيل
وداعتك مابية گطرة ويم ضماك ابرد سبيل
حت وجهي بلايا گطرة ذابل وذبلانه زينب
جنت اگول الراحه عينك وتالي من عيونك اذبل
كلشي ماضل عندي منك بس عذابك والمعزه
يا بوكت بحسين احشم ومايفز واردود اهزه
ويبقى نايم الدللاني..!
ردت الم حيلي واودعك مدري اضل يمك والمك!
وين اوديك من اشيلك خيمة ماكو وبيهه المك
ياهو اهونهن عليك الگاع لو زينب تلجمك
انا ياهي ؟! اختك امك!!
انا ياهي ماعرف روحي وحكك
علمتني بصغري يمك شبگة ام وخوه اشبگك
ساعه امي وساعه ابوي وساعة المدللني احسبك
انا زينب الضيعتني الدللتني العذبتني
انباگت العشرة من ادينه وهاي هي وكلشي راح
موت موش اتضل وراي حسين هم يلا استراح
اعذرني خاف الدمعه تجوي وفوك نحرك دمعي طاح
حسين ميت وانا عدله موش هيج العشرة تگضي
يگلي گلبي حسين مات وگومي اركضي
وين اروح وانطي وجهي ليا كتر ياگلبي كلي
مغرب وماعندي خيمة حسين جان الخيمة واهلي
يلا زينب گومي اركضي راح عزج والدلال
.................................................. ......
الملا: مسلم الوائلي
الشاعر: حسن الترابي
اسم القصيدة: كوم حك الخوه
رد مع اقتباس