يردون عنك للسبي نروح
ونعوفك اعله الغبره مطروح
يحسين اخذ من زينب الروح
ناوين غبشة ايسروني
ودعتك الله ياعيوني ...يردون عنك ياخذوني
///////////////////////////////////////////////
ماعندي روح ومرمي اخليك
گبل الفجر جيت انظر البيك
مذبوح خوية شلون اداويك
وياك ياريت اذبحوني
ودعتك الله ياعيوني ...يردون عنك ياخذوني
///////////////////////////////////////////////
گلبي علمني والهضم زاد
مذبوح مايرهملك اضماد
من خيمتي هدموها الاوغاد
وماجيت من طلعوني
ودعتك الله ياعيوني ...يردون عنك ياخذوني
///////////////////////////////////////////////
لو گلبك يدگ ياضوه العين
جا غيرته تحمي الصواوين
مصيوب بالدلال يحسين
لو مو بگلبك مايجوني
ودعتك الله ياعيوني ...يردون عنك ياخذوني
///////////////////////////////////////////////
ودعتك الله اخر وداع
وبساع ياروح اختك بساع
حاجيتهه وماتسمع الگاع
ضميني يم الدللوني
ودعتك الله ياعيوني ...يردون عنك ياخذوني
///////////////////////////////////////////////
ودعتك الله باجر نشيل
ممشه السباية انهارها وليل
مانعرف لركب المهازيل
بمدللاتي يدوهنوني
ودعتك الله ياعيوني ...يردون عنك ياخذوني
///////////////////////////////////////////////
ريت الشمس عن كربلا تغيب
وتتبع ضعنه يالمساليب
بدرب السبايا اشكال تعذيب
هينه الشمس تتبع ضعوني
ودعتك الله ياعيوني ...يردون عنك ياخذوني
///////////////////////////////////////////////
انطيني راي اسمع يگولون
للكوفة باجر بينه يمشون
بحينه الگبل خافن ينشدون
عنك شكل للـ ناشدوني
ودعتك الله ياعيوني ...يردون عنك ياخذوني
///////////////////////////////////////////////
الملا: محمد باقر الخاقاني
اسم القصيده: ودعتك الله
رد مع اقتباس