يا خويه يلي اكفلتني من اخوتي
يا خويه ها توها طاحت دمعتي
:::::::::::::::::::::::::::::::::::::::::::::::::: ::::::::::::::::::::::::::
عباس درت اعله النهر وجانون كلبي وماطفه
خويه احس كلشي انتها جن ماي من جود انجفه
دهري خذاك من الخيم وبهاي ماجنه اكتفه
خدري ودلالي وهيبتي بس معصبي منهن صفه
ياخوية...... بس بيك صارت ضفنتي
يا خويه.... يلي اكفلتني من اخوتي
يا خويه......ها توها طاحت دمعتي
:::::::::::::::::::::::::::::::::::::::::::::::::: ::::::::::::::::::::::::::
جم زينب اليمك اجت وممشاها بين بالاثر
بگلبي خواتك ينحجن وحسبات اجيتك للنهر
كل حسبه وبهيئة اخت لو طفله خاطرها انكسر
ماوحده بيهن حاجتك وكالتلك حسين بخطر
ياخوية.....بحسين. بانت غربتي
يا خويه.... يلي اكفلتني من اخوتي
يا خويه.....ها توها طاحت دمعتي
:::::::::::::::::::::::::::::::::::::::::::::::::: ::::::::::::::::::::::::::
عباس انه مو اي اخت حت امشي واحسبها غصبت
تدري بخيالي بي طبع يموت بعيون الغرب
عباس انه زينبك يمخاوي ضلي بكل درب
متخوفة عد ناس انحجي ويدرون باسمي المنحجب
هاخوية....هيج انا صارت حالتي
يا خويه.... يلي اكفلتني من اخوتي
يا خويه.... ها توها طاحت دمعتي
:::::::::::::::::::::::::::::::::::::::::::::::::: ::::::::::::::::::::::::::
لا جا اجيتك للنهر لو ترضه يلكلك بخت
ادنت الغربة الخيم والجلمة الاكرها انحجت
يصيحون ماعدها اخو معناها عشرتنه انطفت
ياخوية.....طاحت بعدكم جلمتي
يا خويه ....يلي اكفلتني من اخوتي
يا خويه .....ها توها طاحت دمعتي
:::::::::::::::::::::::::::::::::::::::::::::::::: ::::::::::::::::::::::::::
معناها عباس القبل مو ذيج زينب بالخيم
راح اطلع من الله الستر واسمك اذكره بكل جدم
خاف اعثر تحمل بعد مجبورة الم يمي الحرم
اي خوية ماعرف المشي من غير اخو الخطوه ندم
ياخوية.....مبينه غريبة خطوتي
يا خويه.... يلي اكفلتني من اخوتي
يا خويه....ها توها طاحت دمعتي
:::::::::::::::::::::::::::::::::::::::::::::::::: ::::::::::::::::::::::::::
اي خويه جا هاي الاخت العافوها اهلها بنص جمر
بيمن تضم خدر البقه الخيمتها محترگة الظهر
جيت بدلالك بس رحت انا وحبالي والعطش
عباس من بعد صرت ميته وخذوني بلا نعش
انه اعله هزلة مجتفه وجروح اخوتي اثمنطعش
عباس مابيهم عرفه حاديهم بيسري غبش
ياخوية........ماتندعيلي بموتتي
يا خويه..... يلي اكفلتني من اخوتي
يا خويه.....ها توها طاحت دمعتي
:::::::::::::::::::::::::::::::::::::::::::::::::: ::::::::::::::::::::::::::
اسم القصيده: ها توها طاحت دمعتي
اداء: سيد سلام الحسيني
رد مع اقتباس