هنا

[هيڤين' ♬✿]

دورتك بوادي طوى وبنينوى
جرحك بواجي محضرله
عكازتك ليش الدمع ومحني الظلع
شمخليه منك كربله
للداسته خيول العده وظل وحده
ولا يمه اخوته ولا هله
وهناك مراكض نسوان وهنا رضعان
محتركه منك خيمات
وعدوانك تسمعها تصيح لوخيمه طيح
وين المفر علويات
شيصير بكلبك مولاي من تسمع هاي
عطشان الاحسين ومات
ياحسين …. من الهضم راح تموت
ياحسين …. تلوب ونينك بسكوت
ياحسين …. وي دمعتك يطلع صوت
ضامي جدك علترابه
سلبو اخيامه وثيابه


________________________________
إمحدب هلال اليهل جنه مثل
ظهرك عَلى شهر الحزن
متعايش انت ويالجرح ليل وصبح
لجروحك اتأن وتحن
ياهو اليلجمك اسئلك مذبح هلك
لوللخيم بعدك تون
هاالكلمه تأذيك هواي ركضن حفاي
طرن صحاري النسوان
والتعثر تسحكها الخيل والمابيه حيل
لو ضل يحركه الصيوان
بس زينب وشلون بهاي ياطاري الماي
تفكر بخوه العطشان
ياحرام …. جرحك شما جاله يكبر
ياحرام …. صوتك البذني يتكرر
ياحرام …. زينب شطلعه بالبر
من الخيم للتله انحب
طلعوا جدامي زينب
______________________

_____________________
أكبر جرح ليل اهدعش جان العطش
وتعيشه مكسور الگلب
لو من رجع خالي المهر لم الخدر
وتلگته بمدمع يصب
لو تنحني لجرح النهر وذاك الكمر
مكطع وذر فوك الترب
وهنانه مشابك خوان وبلا ذرعان
موقف لجم جرحك حيل
من كدامك تلگه انسان طايح عريان
وگبالك تسحكه الخيل
شتريد تعيش بيا روح وكلك مذبوح
واشلون لو صار الليل
ياجرح .... الذيجه ملجوم الهاي
ياجرح .... شتصير مو هنه هواي
ياجرح .... البيك كله من الماي
زلمه ومأذيته كلمه
ضل اسم زينب يلجمه
________________________________

الرادود : حيدر_الفريجي Haider Al-Fariji
الشاعر : مرتضى فيصل الشمري
الذاكر : كرار الجناحي

[ســـــجـــــودي ﹩ʝ☹]

عاشت ايدج

[هيڤين' ♬✿]

وايدك العايشه

نورت