مراقبة
تاريخ التسجيل: October-2016
الجنس: أنثى
المشاركات: 39,932 المواضيع: 6,519
صوتيات:
10
سوالف عراقية:
0
آخر نشاط: منذ 46 دقيقة
كلمات قصيدة يعبد الله بمذبوح مكتوبة للرادود عبد الحسين الزيرجاوي
كاروكك دوه وذبحوا دللولك
يالمفزز هلك كلما يناغولك
ادور بالجثث شو محد بطولك
مهد يبني اعله گدك وين يلگولك
يمذبوح....يمذوح... يعبدلله يمذبوح
بده النوح...بده النوح....يعبدلله بده النوح
دللول ...دللول ..يعبدلله دللول
............................................. ....
يلي بنحرك حرز ليش النحر جاسك
المجان البي ابوك من النحر باسك
عبد يمه الرمل شمسوي بـانفاسك
ماكفه الرمح من ركبوا راسك
نمت وين...نمت وين..عگب حضني نمت وين
نياشين ..نياشين...منك مابگت يمه نياشين
يمذبوح....يمذوح... يعبدلله يمذبوح
دللول ...دللول ..يعبدلله دللول
............................................. ....
يمن توها بضحكتك طلعت سنونك
عمت عين العطش شمسوي بعيونك
اهزك مو مثل باقي اليهزونك
الولي وانت ميت لا يگعدونك
دللول...دللول ...يبعد امك دللول
گضه الچول ..گضه الچول...ادورك وانتَ ماهوَ گضه الجول
يمذبوح....يمذوح... يعبدلله يمذبوح
دللول ...دللول ..يعبدلله دللول
............................................. ....
يالبطول السهم جرحك شسويله
لا ينشد واشده بطارف الشيله
مهدك والحضن فرغن فرد ليله
والفارغ مچانه شسويله
اهز بيك...اهز بيك....ميت وانا اگعدنك واهز بيك
واناغيك ...واناغيك...يبس گماط گدامي واناغيك
يمذبوح....يمذوح... يعبدلله يمذبوح
دللول ...دللول ..يعبدلله دللول
............................................. ....
هلك شالو واجيت اتفگد ارسومك
نمت يمه شكثر ماخلصت نومك
عبد باجر شمس يالماهن هدومك
اضمك من عباتي وغطي بلعومك
يعطشان ...يعطشان...جبتلك ماي بس اگعد يعطشان
يذبلان....يذبلان...عمت عين العطش يبني يذبلان
يالمخلص سحك جا بيمن اشتمك
يمن جنت اعله اديه گماطك يلمك
عبد شمسوي يمه وخربو رسمك
كتر مابيك سالم طشروا جسمك
بلا فياي...بلا فياي...ادور اعليك والهيمه بلا فياي
يمذبوح....يمذوح... يعبدلله يمذبوح
دللول ...دللول ..يعبدلله دللول
............................................. ....
الملا عبدالحسين الزيرجاوي
اسم القصيدة : يعبد الله يمذبوح
رد مع اقتباس
