هنا

[ღ عِشق ღ]

ضوه عُمري ودنياي
مشه والمغرب جاي
انا عطشانه انسان
ركع اگباله الماي



كسرة الخوه الأصليه اتعلعل المتعوب
تنچوي الحره اعله اخوهه اشما يمرهه اغروب
هنياله الموقر اخته هنياله
الجابت عمرهه امدلله ابجاله
صعبه القبل مافارگت باله
من تلتفت ماتلمح اخياله
الاخو هيبه ومن طاح
كسر من اخته اجناح
انا روحي اشـترتاح
اذا ماعندي افياي




بالله شيصبر المشاعر والليالي هواي
والعطش وجه اليحبهم مايسعفه الماي
لعيون اخويه اشتاگت اعيوني
يهل الرحم للعلگمي اخذوني
خلوني اموتن يمه خلوني
وماعوفه لو تتگطع امتوني
سمعت كله اسهام
وكسروا منه اعظام
شبگ اجروحه اونام
ترك اخته ابلا راي



هيه هايه الدنيا وكحة وتاخذ المملوح
شكلت للحب نهايه وكل حبيب ايروح
كل واحد ايحب لازم ايعاني
مادامه حظن المقبره ايتاني
عالِ التراب ابكشخة اخواني
من اتذبحوا واحد وره الثاني
تره صدري المخنوگ
چذب اتطيبه اعلوگ
وجع وعدّ محروگ
انه عاذرته اهواي



خِله الفاگد ثگيله ومايسدهه صياح
واليحب يدفع ضريبه وگلبه مايرتاح
كون استعد لـوجاعي وجروحي
كون الگه حل من تحترگ روحي
وين الگه واحد يفتهم نوحي
وينه اليدليني اعله مذبوحي
صدگ الدنيا اتخون
انا باگتني اعيون
شتم وضرب امتون
أثر افراگك هاي



كل مرهَ اتريد ان ابنها ايلمها بالتابوت
بس التفارگ ضناها وهيه عدله اتموت
ليلى اعله الاكبر جرعت امروره
ورمله ابعرس جاسمها مكسوره
معذوره يَم عبدالله معذوره
ذبحوا رضيعج بأول شهوره
بعد اشتسوه الروح
وابوفاضل مذبوح
قمر الطف مذبوح
كسر اخيامه ابهاي



انتَ تدري الچلمه تذبح اكثر من السيف
شتمونه وسلبونه بذاكه حر الصيف
مو بس يساره وخلصت السيرة
جابو خواتك فرجه للديرة
عد خصمك ازمة مستحه وغيرة
جرني النذل وآني مرهَ اچبيرة
انا يابوالسجاد
تحت ايد الجلاد
قسى بمتوني اعناد
عرفك مو وياي



يوجع السان الشماته والعليل ايغار
والحرم من الشتايم دخلوها انذار
صاح الزمن مايعرف ايوافي
من خله الـبعز الهوهَ ايجافي
كافي الگبر ياخذ ورد كافي
منّ الجنايز تعبت اچتافي
على مهلك يتراب
دفنت بيك احباب
گمر وشيخ وشاب
ضعت وضاع ادواي




كلمات الشاعر : أمان شهيد المُرشدي
تدوين : zahra



MP3

[شهرزاد .]

بوركتي