هنا

[هيڤين' ♬✿]

أدور وين أدور وين
طاح اخوها ادور وين
صارت بين الخيل وبين
ذيچ النيران التلهب
وبحيرة زينب شتگول
داير ما دايرها اخيول
كل عثره بجثة مكتول
تگلب بالجثث زينب
شما دنت يم واحد وعبرت عليه
وليدي هذا وموش اخوي الروحي بي
يُمه اخذني الخالك الگطعو اديه


اشر بيده و گامت گوه
صوب الماي صوب الماي
حرمه ورگضت بين الوادم
زينب هاي زينب هاي
جيتك صاحت ويا مستحاي
جيتك والزلم تركض وراي
جيتك زينب ايطلعها ماي
اخوي وينه اخوي
وصلت زينب بس بسكوت
وبكل خطوه اعليك اتموت
چانت تسمع منك صوت
يا زينب لخيامچ روحي
زينب والمثلچ شتصير
برضعان ونسوان اتحير
ادري بحملچ خويه چبير
وتچملهن خويه جروحي
لله سلمي امرچ وهو الكفيل
وقوي گلبچ عالمصايب والعويل
مال اگومن زينب هاي مستحيل


زينب ردي الخيمه احترگت
اطفالچ طلعت اطفالچ طلعت
عوفي جروحي ولمي اعيالج
بالبر تاهت بالبر تاهت
روحي فدوه الچ يم الخدر
روحي ولو بعد يحصل عمر
روحي هم الچ تصبح نذر
اخوي وينه اخوي
هذا انه بكلهن موجود
بيني وبينچ بس الجود
تطيح الخيمه ابلا عمود
انتي الخيمه وفي بسندي
ذبيت ايساري ويمناي
من گالو تردين الماي
رايچ ما يعلى اعليه رأي
هو انه شچم زينب عندي
لو اصيرن وصله وصله ولا مبچاچ
ولا تهمني اچفوف اديه ابگد اضماچ
حالي ما يسمحلي اگومن واتلگاچ


عين انطيتچ چف انطيتچ
چف انطيتچ كلشي انطيتچ
بس يا زينب عطشانه انتي
وما رويتچ ما رويتچ
ردي ردي يم ذيچ الخيم
ردي واخذي وياچ العلم
ردي لمي رضعان وحرم
اخوي وينه اخوي

[مہحہمہؤُد آلَعہرآقہي]

عظم الله لنا ولكم الأجر بذكرى مصاب سيد الشهداء أبا الأحرار
موفقه

[هيڤين' ♬✿]

عظم الله اجوركم واجورنا
ربي يوفقك