هنا

[NAZ‌]

باسم الكربلائي
قصيدة : كل ما نبتعد يحسين
للشاعر : ناظم الحاشي
: ليالي محرم الحرام
: ليلة 10 محرم 1446 هـ
:جامع وحسينية الرسول الاعظم - بغداد حي الإعلام


كِل مانِبتِعِد يحسين عاشورك يرِد بينه
سَنَه إيهدمونّه وانته إبعشر تَيّام تبنينه
مِثلْ أصحابَك السبعين يمّك دوم تلگينه
لعيونك بالدم ضَحّينه

عاشورك العِدهُم عيد عدنه حزن عاشورك
وَلا يعرف طريقك وين بس المهتدي بنورك
ملايين التجي يحسين كلها الكربله اتزورك
بس ربّك يدري إشينطيها

خدام أربعينك هاي تتشرف ابخطّارك
اويا زاير اليدخِل دار چَنّه داخِل ابدارك
العراق اوشيعِته كِلها خَدَم لَقدام زوّارك
وإبنِص العين إنخلّيها

ابوذيات : وياه ، ولاماي ، طفلاه
للشاعر : ناظم الحاشي

گلبي إبنار طَفّ عاشور .. وَيّاه
إوچم آه التَرَك بالروح .. وَيّاه
آخر ليله هاي حسين .. وَيّاه
كون إبعُمُر نوح تصير هيه

إفراگَك سبب كِل ظيمي .. وَلاماي
إومنو يحسين إلي غيرك .. وَلاماي
عِطَشت الشوفة عيونك .. ولاماي
يروي اليعطش الشوفة خويه

چَم كوكب سماوي حسين .. طَفلاه
وَلاطَف ثاني يرجع مِثِل .. طفلاه
منو مِثله إنذبح عطشان .. طَفلاه
لَجِل رَبّه إو تِروح إخته سِبيه

[NaDeR2024]

اختيار موفق وقصيده معبره جدا ... السلام عليك سيدي ومولاي ....سيد الشهداء ...

[NAZ‌]

نورت، اهلا