♧♧♧♧♧♧♧♧♧♧♧♧
شلونچ وگلتلهم بخـير
بية واهس على السفر طير
هاي العباية .. وعندي ترچية
دخذوني حيل على العطش بية
♧♧♧♧♧♧♧♧♧♧♧♧
طابت عليلتكم صحت .. گدامهم اركض رحت
من الباب للكوسر طحت .. شالوني
صاحالي ابوي تگربي يا روح ريحان النبي
هذا الركض مو للسبي .. وبچاني
شلون الخيم من تشتعل والميت يعثر بالعدل
جاب المعاضد للحبل .. بچوني .. يعيوني
هسة عثري يشيلج الحسين هناك باجر بي تعثرين
ركضت عليلة .. برجل مچويه
اخذوني حيل على العطش بيه
♧♧♧♧♧♧♧♧♧♧♧♧
صحت شعلمكم يا هلي گلالي ابوي تمهلي
حاول يوصل الفكرة الي .. بتعبيرة
مو دار هيمة تصوري وهناك گطعة منحري
ونحنه يا العظمج طري .. وزغيره
تعثرين يچويچ الجمر .. تركضين يبرالچ شمر
تبچين خدچ ينسطر .. شهل حـيره
بوية بالطف يفرق الحال مو دلال هناك الحبال
گتله اقبلت وانعگدت النيه
دخذوني حيل على العطش بيه
♧♧♧♧♧♧♧♧♧♧♧♧
رحمة الرقية وگبالها هودجها نحت
يا خيتي يا روح الأخت .. هاي اني
تعيشين الفراگ العشت وانطيني موت على الطشت
لون السنابل لو طحت .. بلواني
انطينه ألم انطيج ألم جمر الهجر يحرگ نعم
وهنيالي لو جمر الخيم .. چواني
فرگه اهلي تچوي لگلوب هيچي وحشع وخنگه وكت الغروب
انطيني جمرة وركض مسبيه
اخذوني حيل العطش بيه
♧♧♧♧♧♧♧♧♧♧♧♧
دورة ضعنهم من شفت واحد الواحد يلتفت
بهل لحظة حسيت انعفت .. بـحزاني
لا صوت الاحساس انسمع الأكبر تدناني ورجع
صد وجهه والمدمع وگع .. بچـاني
من گتله اخذني وما رضى حسيت كل عمري لمضى
بين اهلي وبيني گضه .. وأذوني
روحي ترسي عيونج بشوف باقي عمرج ينگضي طيوف
شيسوه الگلب من غير راعيه
دخذوني حيل على العطش بيه
♧♧♧♧♧♧♧♧♧♧♧♧
خلصت سوالفنه وصعد بالخطوه الاولى من ابتعد
حسيت ساعتها انمرد .. دلالي
يا روحي ما راح الظعن لمفارگ عيونچ وطن
ويه الجرح ساعتها اضن .. أذوني
نوگ اهلي من تمايلت تتمايل تتمايلن
مالت الدنيا وما حلت وما حلت
بس انه والدار الخلت يبرالي
ادري سهم الفرگه چتال ما يطيب جرحي مرسال
مو هاي منكم يهلي مرجيه
دخذوني حيل على العطش بيه
♧♧♧♧♧♧♧♧♧♧♧♧
اداء : مرتضى حرب
كلـمات : المرحوم خادم الحسين عباس احمد الدراجي
رد مع اقتباس