ترد لوما ترد وياي نسوان الهواشم هاي
كلهم صيحن يحسين بطلنه وكرهنا الماي
بطلنا وكرهنا الماي بالسكته...عون ابني وعبد والغير ماشفته
عبرت الطف ركض ولگيت احلامي كلها الخيل حافرته
جيتك ياللب الگلب جيتك... مذبوح ومطشر لگيتك
دم الذبح واصل لحيتك....نعاي مامش من نعيتك......
اجيتك هندس وي الليل شماته تحضرت وتعيل
صاحو بالحرم فرهود نسوان وتلاگي الخيل
(تدافع وي الخيل وتريد اخوها )
................................................
اجيتك راكضه الفشله انهبت خدرك
عثرت. برايتك جيت اعله هب عطرك
مذبوح وركضت عليك تفزعلي
ورا. نحرك دخيلك جايه بكترك
ودلالكم جفوها الدلال....صوت الزلم بالخيمه شو طال؟
گلبي بفشلته من العرج شال...اني اخت المخوفين الرجال
تهت وبظلمة ادور عليك اشمك لو المن بيك؟
جبتلك ماي گوم وياي متگطع حرت شرويك
هذا انتَ صدگ يحسين ومطشر
تعبرك خليهم ترجع ترد تعبر
لگيتك كل مكان مفرهد وعريان
مهظوم شفت حسين مهظوم....ذباحه يم الخيمه ويحوم
مشدوه فكري وصايمه اليوم...يم راسك يذلونه الگوم
.........................................
مانايمه واحسب لباجر مامش نفس باخواني اناطر
متعيني شمسويتكم الخيل متعبتكم طعون الحوافر
ماسالم شبر بحسين من الخيل
على سيف الشمر دمك لگيته يسيل
راسك مدري عدمن ماخذينه الگوم
ينسوان الهواشم دورن بهليل
لميتكم من حدر الخيول
مامش عرف ويعينه بچول....دللول الهواشم يادللول
فزاع لاگو ولاجن يگول....!؟
.........................................
الملا: يحيى البنداوي
اسم القصيده: نسوان الهواشم
الشاعر : جاسم البدري
رد مع اقتباس