هنا

[NAZ‌]

باسم الكربلائي
قصيدة : ربيتك لهذا اليوم
للشاعر : عمار هليل الواسطي
ليالي محرم الحرام
: ليلة 8 محرم 1446 هـ
جامع وحسينية الرسول الاعظم - بغداد حي الإعلام

ربّيتك الهذا اليوم بيك الحسن وصّاني

ربيتك وردتك تعوضلي ارباي
وينك يسبّاح القلب يا رجواي
متوذر ومحروم من شرب الماي
شمعة شبابك بدماك تطفه وتهيج احزاني

نيران شبت بالگلب والصيوان
طفّوا شمعتك والعرس صار أحزان
متحنّي بالدم مرمي فوگ التربان
بفگدك ييمه جسام ثكلى صرت خلّاني

بالحومه يا نبض الگلب تتوذر
والنار بعدك بالخيم تتوجر
للشام نطلع كل گلب يتفطر
من كربله لگاع الشام دمع الفگد أذّاني

حسره اعله حسره الروح عاشت چم هم
معذوره بفراگك إذا أتألّــم
لكل جرح منك جفني ظل ينزف دم
بس الدمع بس الآه ظل يالولد عنواني

يا يمه ودّعتك بگلبي المتعوب
روحي بغيابك ياضوه عيوني اتذوب
شفت آنه المگدّر عليّ والمكتوب
ثكلى وسبيّه جرحين واحد أشد من ثاني

مر الصبر بعدك جرعته بنوحي
هيهات ما تشفه يغالي اجروحي
لو ردت روحي هاك اخذها روحي
أتمنى ياخذني الموت يمّك أروحن آني

گد ما أطلبك يالولد حگ إرباي
يطلبني عمك وأكثر هواي هواي
وفّيت يا نبض الگلب يا سلواي
وبأربعين المظلوم يمك أرد تلگاني

طلع شباب من الخيم .. گومي يزينب هلهلي


يالـلابس اثياب الحسن بالخير ويحرسك علي
هذا الحسن سيفه اجه صوت العساكر يعتلي
محد نفذ من ضربته اليوگف اگباله يبتلي
صاح أنا ابن حامي الحمه ووارث شجاعه من هلي
بالطف ينادي بحملته بس حيدره يظل الولي
بركان سيفه من طلع جيش العدو خل ينجلي
يا أرض حفظي هالولد ويَا سَمَاءُ ظَلِلِي

يا حبيب ابن مظاهر .. گوم شيل العلم واظهر
يا طير خبر النبي .. عما جرى في كربلا
گطعوا يمين العباس .. يا فاطمه الحزينة
هالله هالله حسين وينه .. بالسيوف مگطعينه
يعباس جيب الماي لسكينه

ابوذيات : يبني ، على اشفاه ، عماه
للشاعر : ناظم الحاشي


صوتك من صحتني ليك .. يبني
إوهِدمني إفراگَك إوماعاد .. يبني
على عَمّك يعِز والله .. يبني
تصيحه إوما يرد سيف المنيه

بِچه من شاف ماتِرهَم .. على إشفاه
إجروحه وگام يتحسّر .. على إشفاه
حِضَن صَدره إو وضَع شِفته .. على اشفاه
ونزل دمعه ودمع عمه سويه

على القاسِم حسين الحِزِن .. عَمّاه
ركضله والدمع بالعين .. عَمّاه
لاتحزن عليه إيصيح .. عَمّاه
إبوي إشتاگلي إو ودّه عليه

[Secluded]

شكراً حبيبتي

[NAZ‌]

نورتي قلبي