باسم الكربلائي
نعي : جملة سيدي ومولاي
للشاعر : ناظم الحاشي
: ليالي محرم الحرام
ليلة 7 محرم 1446 هـ
جامع وحسينية الرسول الاعظم - بغداد حي الإعلام


چِلمَة سيّدي إو مولاي إلي حَصراً إمخلّيها
وَنه إتمنّيت خويه حسين مَرّه إبعمره يحچيها
لاچن گالها من شاف إزنوده چفوف مابيها
لو ترهم سَلّمته إچفوفي

لوعبّاس حَي موجود بناتي مِن يمر بيهِن
وأتحدّه الشِمِر عالنوگ مَربوطات يسبيهن
لا والله لو موجود ماجَرّو تراچيهِن
مِن عرفَو مَيّت سَوّهه

عرفت الخيل راح إدوس صدري وتگطع أنفاسي
اوعرفته يروح لرض الشام مَسبي إعله الرمح راسي
چا كِل ذني ماصارن لوموجود عَبّاسي
وچا زينب ضَلّت مَكفوله

مِثِل خُوّة علي وجدّي چانت خوّته وَيّاي
أَكَل ماشِفته جِدّامي وَلا جِدّامي يشرب ماي
لاچن مات جِدّامي من دارت عليّه إعداي
هاي أوّل مَرّه إيسَوّيها

خَبر عباس إخونه .. مايه وينه
او نيني گلُب أُمّه .. مايه وينه
العطاشه تصيح عمنه .. مايه ويه
لا مايه ولا عاود عليه

إخونه الجيشهم مايمر .. خي لا
يزينب داسته رجلين .. خي لا
لختك گِتله گوم وگال .. خَي لا
إلمن رايح إلها بغير إديه

ماعندي صبر يحتمل .. هل مات
كفيلي لو طويل الدرب .. هل مات
عليك ابداعتي العباس .. هل مات؟؟
اوبعد مايدخل الخيمه عليه؟

لومه إچفوفه طاحن .. ماتخونه
جمع كل العساكر .. ماتخونه
يخويه وداعة أمّي .. مات اخونه
يزينب والسِمه ضاگت عليه