الخبر عاجل اجانه __هسه من طف كربله
انضرب زلزال بيها __مدري شنهي الزلزله!

والشمر كال الحقيقه
ابكطع الانفاس

هذا زلزال الضربنه
ابسيف عباس

وما كدرنه انقابله
هسه من طف كربله
::::::

راح احاكمهم ابسيفي .اليوم يوم المحكمه
انه زلزال الهواشم. واقتدي ابحامي الحمه
السيوف اليوم كلها .اكبال سيفي امثلمه
الحكم زينب تكوله .ابهل جيوش الظالمه
والحكم زينب تكوله
ابهل جيوش الظالمه

زينب التحكم عليهم _ذوله الارجاس
والينفذ الحكم بيهم __ انه عباس

زينب اختي امدلله
هسه من طف كربله
الخبر
عاجل
اجانه هسه من طف كربله

:::::::::::::::::::::::::::::::

ضارب الزلزال عدهم _ميمنه اويه الميسره
جانت الضربه القويه __اهناكه يم الكنطره
خله ملك الموت بيهم _يحسب ويلزم سره
هالطفوف ابهجمه وحده_ وكلها صارت مقبره

الطفوف ابهجمه وحده
وكلها صارت مقبره

اليوم سد الهوه بايده _الكطع الانفاس
هذا تربات الصميده _ورفعة الراس

بيهم اكبر مشكله
هسه من طف كربله
الخبر
عاجل
اجانه هسه من طف كربله

::::::::::::::::::::::::::::::::::

الفرات الصار بيدي __ وأسريته ابهل جفوف!
رغم ما جابوا حراسه _وزادوا ابرص الصفوف
كون ابو الحسنين هسه_ ايعاين افعالي ويشوف
جان كال الكمر انتَ_ اشلون سويت الكسوف!!
جان كال الكمر انته
اشلون سويت الكسوف!!

الصبح ظَلم عليهم_جيش الانجاس
والرعب ليهسه بيهم_تشهد الناس

والخبر تتناقله
هسه من طف كربله
الخبر
عاجل
اجانه هسه من طف كربله

::::::::::::::::::::::::::::::

امي وصتني ابوصيه _الطاهره ام البنين
قدم اجفوفك هديه_ بالحرب لاجل الحُسين
يمه وبضلع الزجيه _وراس امير المؤمنين
راح اخلي الغاضريه_اتسولف ابكل السنين
راح اخلي الغاضريه
اتسوف ابكل السنين

راح ادمر جيش اميه __واشلع الساس
ما يجامل عالقضيه __ الشايل احساس

وهاي دنيا الزائله
هسه من طف كربله
الخبر
عاجل
اجانه هسه من طف كربله
______________
الخبر عاجل اجانه .هسه من طف كربله
كالوا الزلزال بيهم. مدري شنهي الزلزله
والشمر كال الحقيقه
ابكطع
الانفاس
هذا زلزال الضربنه
ابسيف
عباس
،،،،،،
حسين االساعدي