هنا

[NAZ‌]

عريس الولد جابوه يتچوله
ماترهم الزفة ابلايه هلهولة
..................
امنيتي الولد عريس اشوفنه
بهلهولة خواته وصفگت الحنة
ومن الخيمة عمّاته يزفنه
وبت عمه العروس تعاين الطوله
....................
فرحانة بأبنها تبخر هدومه
هذا اول فرح للگاضي ملزومة
ما تدري ابنها مصاحب الحومة
المنية زفته وبسيوف يقروله
.......................
لبس هندام ابوه وشاچخ عگالة
عمه امن الخيم صد او تعناله
على عمه الولد ما طالع الخاله
يشبه صورة العباس گللوله
....................
معروفة بسلفنا البت لابن عمها
زفة وكون عباس ايتجدمها
سكنة تصير چنتي وانا اصير امها
يسويها البخت وتصير معقولة
....................
معقولة تصير الما حسبتلها
والعباس سكنة الا ادللها
اگعد يمه بت عمك شگللها
جاسم راح منچ آيا مدلولة
.................
جاسم راح منچ ونهدم حيلي
حسبت حساب أُم بيتي تصيريلي
ها يُمّه يجاسم اگعد احچيلي
شنهي بخاطرك ايصير بس گوله
...............
كلشي يصيرلك لا تاخذك حيرة
اسويلك عرس ما صاير بديرة
من عباس اطشلك ها كثر غيرة
وبخت حسين ازفك والزلم ذوله
،،،،،،،،،،،،

الشاعر : كريم الدراجي

[اسيرة افكاري]

عاشت ايدج

[NAZ‌]

نورتي حبيبتي

[الأرجوان]

شكراً

[NAZ‌]

اهلاً

[ســـــجـــــودي ﹩ʝ☹]

شكرا على المجهود

[NAZ‌]

نورت