ـــــــــــــــــــــــــ ـــــــــــــــــــــــــ ـــ
القصيدة: أبو فَاضل عرگ چتفه
أداء:مُحمّد بَاقِر الخاقاني
كلمات:عبّاس الشبلاوي
ـــــــــــــــــــــــــ ـــــــــــــــــــــــــ ــــــ
الحَرب ثگلت وابو فاضل عِرگ چَتفه
نَهض والموج ضاع بوگفته بصفّه
حَلّال التِضك والمُوزمة تِعرفة.. فَحلها
ما وازت يِمينه چفوف بالمردم
سِيفه اعله السيُوف بدمّه يتشيّم
غَم سيوف تِرجع خالية مِن الدَم.. لاهلها !
وعبّاس سِيفه يِرد دَامي
ثگلت والنِشامة تِبان مِن تثگل
ياهو اليزل جدمه لو دَويهن صَل
مالت كَربله وعبّاس واگف ضل.. مهابة
لا تِدنىٰ الطَلابة المُوش طلّابة
ما يِخطئ ابو فاضل يِكتل صوابه
المو گدر الحرب عَ الكافل شجابه؟.. عذابه
نصّين يِرجع مِن سيفه
جِوي وطَرّ الطريق المّا يطرّه الجن
مِحرب ما هِدا ولا عِنده چف يعن
خلصت كربله العبّاس يمتىٰ يچن؟.. يصيحون
شَايل رايته واعلامهم حَدره
شيگدره ابو فاضل هذا شيگدره؟
لاگه سيوفها ورِماحها بصدره.. والمتون
صَيّاد والحومة الصِيدة
وِفه جِبين ابو فاضل للخِيم نَگّط
مِن جبينه ضَل مذهول ماي الشَط
خُوفة بكل گلب راعي الشِدايد حَط.. رَعبها
زِلمة ومِن يهد الميدان اله اليِشهد
هد وسحگ تاريخ الزلم مِن هد
هاشم هاي وكت الشِدّة ما يبرد.. گلبها
والجيش لعبة بچف إيده
ـــــــــــــــــــــــــ ـــــــــــــــــــــــــ ــــ
رد مع اقتباس
