زينب تحشم اخوها فوت بيهم ياشهم
صول ياليث المنايا واسحگ خشوم الزلم
رايتك عليها خويه فوگ وصلها النجم
وادري سيفك من تسله العزم شد بيها العزم
هلا بغيره حيدره .....لزينب انتَ مفخره
شد عليهم بوفاضل شد عليهم
.................. .. ....... . ........... ........
گلهه عد عيناج زينب فرحي خويه وهلهلي
اليوم اشگ الگاع. بيدي اليوم اراويهم علي
وبجحيم الحومه سيفي اليوم يصليهم صلي
اليوم اخلي جيوش اميه تشهد وترگع الي
اليوم. اعلمهم دروس....ع الجماجم من ادوس
شد عليهم بوفاضل شد عليهم
.................. .. ....... . ........... ........
فات عباس وتعنى وگصد يم المشرعه
الفرات بأيده شاله من جذوره قالعه
بنضرته صب جحيم الجيش كله زعزه
وبيمينه السيف يرعد نزل مثل القارعه
سيفه صب نار وحميم.....الحومه گالبها جحيم
شد عليهم بوفاضل شد عليهم
.................. .. ....... . ........... ........
زينب تشاهد اخوها وحين شافت صولته
هلا صاحت ياكفيلي وبالوصية ذكرته
شد عليهم يبوفاضل صاحت اخته وحشمته
گلهه عد عيناج زينب شوفي اخوج وغيرته
اليوم اشوفهم بلاء....يااميره النساء
شد عليهم بوفاضل شد عليهم
.................. .. ....... . ........... ........
يوم صلت اعله المنايا ونبض من عندي العرگ
الجنود بأدي صاروا وسلمتهم للحرگ
صار يوم الطبگ عندي والي ميعرفه صدگ
اطبگت سبعه اعله سبعه وهذا معناته الطبگ
والضحا والعاديات....انا معنى الذاريات
شد عليهم بوفاضل شد عليهم
.................. .. ....... . ........... ........
عاجل العباس صرح يكتب وخط بالسنان
للنواصب هالرساله سمعوا من عنده البيان
الي يلمس مرقد اختي لا يفكر بالامان
اشعل ارض الشام بيدي اي وحق سبع المثان
ذرة سيفي من يطگ ....الشام احرگها حرگ
شد عليهم بوفاضل شد عليهم
.................. .. ....... . ........... ........
الملا:محمد الموسوي
الشاعر: فراس الزيدي
اسم القصيدة: شد عليهم بو فاضل
رد مع اقتباس
