لگيته لوحده...ويضحكون العده
ركضت وصحيوا....بده ينزاع بده
توه طاح وانا شفته وهي طيحه وهي ركضه
اعله الرماح ردت الحگ عود اخيج گلت اگضه
مديت ايدي اله ومالحته من طاح!!
من صدره وگفى لايحته الرماح!!
يازينب عمود اخيامجن راح
شيطلعه من الاسهام ....زينب طيحي الخيام
شعدجن بالخيم راعي الخيم مات
من هسه وبعد صرتن سبيات
وحزام الظهر.....
زينب كافلج طاح....وحزام الظهر راح
'''''''''''''''''''''''''''''''''''''''''''''''''' '''''''''''''''''''''''''''
انمرد جبدي انمرد.. ندهته وماگعد
تفارگنه وماگضت ....اضل المن بعد
منين افوت وحگ خدرج ماندله منين دربي
راح اموت راح يوگف وانا واگف كضي گلبي
وحگ ذني الـ اجني اركاض وثغيب
الف مره من اموت اعليك ماطيب
بعد كافل منين لزينب نجيب
اگعد صاحت الناس...ضل بلايا عباس
كضني وانا اكضك زينب تصيح
خاف تطيح حتى ثنينه نطيح
وحزام الظهر.....
زينب كافلج طاح....وحزام الظهر راح
'''''''''''''''''''''''''''''''''''''''''''''''''' ''''''''''''''''''''''''''
انكسر ظهري انكسر....يزينب ع النهر
شسوي تحيرت....متت من القهر
كلشي مات انطاني عمره مدري انا انطيته عمري
كلشي مات كسر ظهري الجنت اصيح حزام ظهري
تطشر كله يختي شلون ينشال
من تلوحه الشمس مايطلع اخيال
راح الجان يعدل ظهري لو مال
يختي تحيرت بي ....حتى الهوى يدني
طايح ع النهر بس من السهام
المن بي من الشاطي للخيام
وحزام الظهر.....
زينب كافلج طاح....وحزام الظهر راح
خوية وهاي صعبه الكلمه تنگال
ماضل بي كتر للخيمه ينشال
'''''''''''''''''''''''''''''''''''''''''''''''''' ''''''''''''''''''''''''''
هوى وراح الهوى...التوه وطاح الوه
حلم ريته وافز ....وارد. نگعد سوه
فدوه گوم ...فكلي عينك كافي تشهگ موتتني
فدوه گوم ....وحگ زينب يابوفاضل تعبتني
گوم لخاطر صياح النساوين
كلها تصيح عطشانه يالحسين
وتكسر ظهر اخيك جلمة الوين
كلها تصيح اعداي...ضل بحسره الماي
بگلبي شگد حجي بگد فرگتك هاي
الله وياك. لا كون الله وياي
وحزام الظهر.....
زينب كافلج طاح....وحزام الظهر راح
خوية وهاي صعبة الجلمة تنگال
ماضل بي كتر للخيمه ينشال
'''''''''''''''''''''''''''''''''''''''''''''''''' ''''''''''''''''''''''''''
ثلم عينه السهم....انهدم حيلي انهدم
يزينب ايست ....واجيتج كلي دم
راح اخوج.....ردت اشيله بس يزينب وذر صاير
راح اخوج....مدري المه من السهام من الحوافر
گدما ركضت الخيل اعله عباس
ماضل بي كتر ياخوية ينداس
ماعندك اخوان تصيح الناس
صحتج ماطلع صوت...لحگي اعله لا اموت
للخيمه من اشيله ينلجم خاف
من صدره يزينب ظهره ينشاف
وحزام الظهر.....
زينب كافلج طاح....وحزام الظهر راح
خوية وهاي صعبة الجلمة تنگال
ماضل بي كتر للخيمه ينشال
الملا: مسلم الوائلي
الشاعر: محمد الموسوي
اسم القصيده: حزام الظهر راح
رد مع اقتباس