هنا

[احمد العثمانيے]

قصيدة [ القائد المثالي ]
أداء: الملا خضر عباس
الشاعر: امان شهيد المرشدي
مونتاج: محمد كاظم مجيد
تنفيذ: مجموعة_ميامين
مكساج: حسن يونس
توزيع: مهدي عليق
شهادة الامام الحسين ع 1446 هــ - 2024 م
العراق / البصرة - النشوة - هيئة نهج علي عليه السلام


الـــكـــلــــمــــات:


رف يا بيرغ هاشم
وألغي الجيش الغاشم
واحرگهم اسياده
يالسيفك طف ثانِ
وزماطك قرآني
من جلاده لجلاده
عن كل حرب آية
تشبهلك هواية

بسمه تعالى
مسلم صاحب الجلالة
خصه القائد برسالة

من الكوفة طلبت المدد اجاها
مو مهم منيته.. چان المذهب اولويته.. سادة وكلها مستميتة
بدم نحره الشهادة مسلم اشتراها

زعل زعل والفزعة تسوى يصرفن اردانه
گل للحسين المايعجبك اگطع لسانه

يبن العم وعيونك
هاي الناس تخونك
خلينا اروحلها

بس حشمني وكافي.. انا الدر الصافي
ألغي العرب كلها
للكوفة شراية.. تشبهلك هواية

رف يا بيرغ هاشم
وألغي الجيش الغاشم
واحرگهم اسياده
يالسيفك طف ثانِ
وزماطك قرآني
من جلاده لجلاده
عن كل حرب آية
تشبهلك هواية

سيد البراءة.. مسلم مصنع الشجاعة.. قمة ويرهب ارتفاعه
هد والكوفة شارفت على النهاية

نفخة القيامة.. طلعت من كشف لثامه صار العسكر بمرامه
نار ومن سعيره شردت الحماية

هلا هلا بالما رخة ولا بردت أعصابه
شيخ المراجل ما يريد تفض الطلابة

جابوا كل القادة.. مشية لعم السادة وصار الحجي بكيفه
بين الطاح گباله.. وبين الضم عگاله من عاين لسيفه
ما طلعت حجاية.. تشبهلك هواية

رف يا بيرغ هاشم
وألغي الجيش الغاشم
واحرگهم اسياده
يالسيفك طف ثانِ
وزماطك قرآني
من جلاده لجلاده
عن كل حرب آية
تشبهلك هواية

سيفك السمائي.. جاهز لأمرك القضائي غيِر بحكمك النهائي
واضرب مطرقة عذابك بخصومك
وارفع القضية.. ثور بثورة مسلمية
واشنق كل ألف سوية
وأعدم بالثواني كل نفر يسومك

علي علي الطالع تشبهه مفرحه ببداعك
من النجف گلك يمسلم تسلم ذراعك

يا نوح وطوفانه.. ومدمر السفانة من قوة امواجك
طب وانفخ مزمارك.. واطهر روس بنارك
واتبختر بتاجك
هيبة علي وراية.. تشبهلك هواية

رف يا بيرغ هاشم
وألغي الجيش الغاشم
واحرگهم اسياده
يالسيفك طف ثانِ
وزماطك قرآني
من جلاده لجلاده
عن كل حرب آية
تشبهلك هواية

عسكر السفارة.. لزموا عالقصر خفارة شافوا سيد المهارة
خيال ولكدها مهرتها الأصيلة
هاشمي وتقدم.. يعني الكوفة تنگلب دم
يضحك والخصم تندم
حسوا بالفيالق الأجت قليلة

فات الأوان وكل شخص خيّط جفن بيده
واليعبر حدود الخريطة بخزرته يصيده
من گلتلهم حالاً.. ركعولك إجلالاً يا فارس الساحة
والبايع ناموسه.. تطلعله بكابوسه وضل يشتهي الراحة
مشهودة الك هاية.. تشبهلك هواية

رف يا بيرغ هاشم
وألغي الجيش الغاشم
واحرگهم اسياده
يالسيفك طف ثانِ
وزماطك قرآني
من جلاده لجلاده
عن كل حرب آية
تشبهلك هواية

طوعة تنتميله.. حرة وتسوى ألف قبيلة
بـ (الله ينصره) تندعيله
عمي شهالمره التشيم العشيرة
هي هلهلتله.. وبمعصبها هوستله يرعد والحرب حلتله
كون حسين اخيه يفرح بسفيره

بالطف اكو زينب لأخوها تضيگ الثامه
بالكوفة طوعة عفية بمسلم شدت حزامه
هد يا عصة موسى.. وأكبر شارب دوسه
وبالقصر هينه
يبس ارياگ القادة.. وجدك عيد امجاده وزوده وزعل عينه
جف حمزة والراية... تشبهلك هواية

رف يا بيرغ هاشم
وألغي الجيش الغاشم
واحرگهم اسياده
يالسيفك طف ثانِ
وزماطك قرآني
من جلاده لجلاده
عن كل حرب آية
تشبهلك هواية

صاحب المعاني.. تبقى القائد المثالي
تخطب تسكت انت عالي
عطر المرجلة يتناثر بعباتك
سيد وسياسي.. وفارس حربي دبلوماسي
عابر كل رقم قياسي
من تتبختر بمشيتك شحلاتك

جبل جبل والطاغي يمك تحترگ روحه
گالوا طحت بس الغضنفر يحلى بجروحه
رادوا توگع تالي.. طاح القصر العالي وانت ارتفع شآنك
باجر كلها تهابك.. ويركعون ببابك وتحاسب الخانك
فرحة نصر هاية.. تشبهلك هواية

رف يا بيرغ هاشم
وألغي الجيش الغاشم
واحرگهم اسياده
يالسيفك طف ثانِ
وزماطك قرآني
من جلاده لجلاده
عن كل حرب آية
تشبهلك هواية

[NAZ‌]

اختيار موفق
شكراً جزيلا

[احمد العثمانيے]

اختيار موفق
شكراً جزيلا

اهلاً بكِ