باسم الكربلائي
نعي : سلام اعليك يالتدري
للشاعر : علي السقاي
ليالي محرم الحرام
ليلة 4 محرم 1446 هـ
جامع وحسينية الرسول الاعظم - بغداد حي الإعلام


سلام عليك يالتدري اشجره وحاصل
سلام من المدينه وللنجف واصل
قريب ولا مسافه بعدك وفاصل
يا الاقرب من حبل وريدي
كل يوم باسمك ترددي

علي ويا ما احلى اسمك يلهجه لساني
حاشه انساك يا حاشاك تنساني
انا ام البنين الشايع احساني
يا احساني وانا مقصره
كل شي شويه لابن الزهره

الك اتقرب بدم اربع الشبان
ضحايا بكربلا انذبحوا على التربان
علي واتمنى تقبل مني هالقربان
لوهم عشره مو بس اربع
ابخل بيهم لا تتوقع

عليّ يرضى علي يا العارف بوضعي
اذا بس بالدمه اتقرب ودمعي
وعد للموت تظل حسين احن ونعي
الحد ما كل الوادم تعلم
ماتت من كثر الهم والغم

انا ام العلنوا الشبلك .. ولاهم
علي ولا هو رد سالم .. ولا هم
المهم اتقرب بدمهم .. والأهم
قبولك يا علي وترضى عليه

گلب المنكسر لا تظن .. تراهم
فگد واحد من اولادي .. تراهم
لجن يابا الحسن اشهد .. تراهم
هانوا عندي لاجل ابن الزجيه