انك تعشقيه اصلا
لا هو زيك ولا شبهك ولا عيلتك شبه عيلته
ولاقادر يجيبلك شئ ده هو يادوب شايل شيلته
انتي غزاله عايزه الورد والحنه و عسل النحل
شفتي غزاله عمرك عايشه وسط الوحل
ده عيل سيح
بيتلون ويتنسون ويتمسكن كما التماسيح
هدومك بيضا مش حمل الوسخ والهيل
وعيشتك غاليه علي عيشته وهو ضعيف ومفيهوش حيل
هيبقي معاكي وقت الرقص ويسيبك في وقت الشيل
دلوقتي هيرسملك في ضحكاته ويتبهرج
لكن اصله اصل اعرج
في وقت الشده هيبانلك ولد تاني
بخيل وعويل متسلق وعايش دنيته اناني
وانتي ورثتي من ابوكي خزاين عز رباني
فمش لايق علي صدر الحراير عقد براني
ده واد جربوع
خالته وعمته وسته وجوز امه ميتين من الجوع
وانتو كلابكو في العزبه بتاكل بقره في الأسبوع
مفيش بين الارانب والسباع انساب
ولو ع الحب يااااما اتفرقت احباب
حتنسي زي كل الناس مانسيت بعض
ومش من قلة الأخيار
ماهي الرجاله ماليه الأرض
بس يكون علي مقاسك
حاسس نفس احساسك
وليه طله شبه ناسك
بنات العيله قدامك مصغروناش
يابت الناس متفضحيناش
ياما رضينا مع ان الكلام مرضاش
وعشنا العمر كله طناااااااش
رد مع اقتباس
