ابوذيات عراقية رائعة

احبك من جنت جاهل وارظعنك
ونص العين اظمك حبيبي وارظعنك
اذا اتريد ربك يرظه عنك
نروح ابعيد بارض الله السعية
,,,,,,,,,,,,,,,,,,,,,,
ارســم من دمع عيني واردلك
واگــطع من ورد گلبي ورد لك
اغــيب اشما اغيب تالي اردلك
لان انته الوحــيد الية
,,,,,,,,,,,,,,,,,,,,,,,,,,,,,,,,,
الدنيا نزول ما تقبل تعلاي
مغمضه عيونها وترفض تعلاي
تدفعني وتكل غيري تعلاي
لأنهه تخون بصحاب الحمية
,,,,,,,,,,,,,,,,,,,,,,,,
كافي يادهر طگات ، بس يوز
أدرد والبقى من الزاد، بس يوز
تاليها السنون البيض، بس يوز
مسوسات ويگلگن وألم بية
,,,,,,,,,,,,,,,,
الوكت مايبس جفوني وشرهن
وطحت بالغاسق الواقب وشرهن
رهنت الروح لودادك وشرهن
بعد بس كاع كبري وموش الية
,,,,,,,,,,,,,,,,,,,,,,,,,,
ابنهر الصحبة دلالي بلم چان
وصفة بالچول تاليها بلم چان
أشور والحسن كلش بل مچان
وألي حوبة على كلمن خان بية