يبن أمي طايح وين … بس اوميلي
جيتك ركض يحسين … وانهد حيلي
گالولي طاح الحيد … محد شاله
جيت اركض بيا صوت … وبيا حالة
بين الجمر والخيل … والخيالة
بس المهر وياي .. ويتجيلي
جيتك ركض يحسين … وانهد حيلي
جيتك ركض يحسين … وانهد حيلي
گالولي عالتربان … يابو سكينة
متگطع وعطشان … ومسلبينه
يبن امي والعدوان … عالت بينه
أنطي الوجه لا وين … خويه احجيلي
جيتك ركض يحسين … وانهد حيلي
جيتك ركض يحسين … وانهد حيلي
گالولي فوگ الگاع … يا ضي عيني
صوبي تدير العين … ومتانيني
جاباني ألك يحسين … صوت ونينك
ماراح أتاني غروب … ويجل ليلي
جيتك ركض يحسين … وانهد حيلي
جيتك ركض يحسين … وانهد حيلي
والجيش عالصيوان … جاي گصاده
طلعوها گال يصيح … عمة السادة
ياهو اليرد الخيل … والهداده
هيمة اخاف دگول … لا تلفيلي
جيتك ركض يحسين … وانهد حيلي
جيتك ركض يحسين … وانهد حيلي
مابيه اطفي النار … من حركوها
عندي يتامى صغار … مارحموها
ونوگ الهزل يحسين … هل جابوها
بيش احتمي من الناس … من تربيلي
مابين هاي الناس … ماظل شيمة
لا راية لا عباس … لا ظل خيمة
ظعن الحرم يحسين … هج بالهيمه
جيت أبجي للعباس … وانت ابجيلي
جيتك ركض يحسين … وانهد حيلي
جيتك ركض يحسين … وانهد حيلي
_____
ملا محمد باقر الخاقاني
أسم القصيدة : يبن امي طايح وين
كلمات الشاعر : أحمد الهلباوي
رد مع اقتباس
