القصيدة: سفير حسين أداء: مسلم الوائلي
كلمات: كرار حسين الكربلائي
~~~~~
لقاء بدمعة العين
سفير حسين وحسين
شلونك يگله وهو گال شلونك
سولفلي عن كل الحجي البعيونك
بدمعة العين .. بدمعة العين
~~~~~
راس مسلم فوگ رمحه
ماخذه الدم والنزف
سمع من بعيد ونه
وگالهم ذوله عرف
هذا وجه الخير كله
هذا الحسين الترف
هذا الأكبر هذا جاسم
هذا عباس الكلف
كل الهله بيكم يالاحباب
عدلين اهلنه الموت جذاب
.. ما ضمكم تراب
امامي بهاي الضعون
شبگته مشابگ عيون
گتله هله يالهيبتك بضعونك
سولفلي عن كل الحجي البعيونك
بدمعة العين .. بدمعة العين
~~~~
هاي اول مره اشوفه
الرمح شايله ذهب
وينه جسمك گتله وينه
وگال بالطف انسلب
من التعب ذبلانه روحه
وگتله سولفلي السبب
گالي اليسبون اخته
يبين بعينه التعب
حرگوا خيمها وصار ما صار
وركضت ابين الخيل والنار
.. وبيها الوكت دار
الخدرها كعبة ينطاف
سبيه وطولها انشاف
يا نايبه الغيرت لوني ولونك
سولفلي عن كل الحجي البعيونك
بدمعة العين .. بدمعة العين
~~~~~
گال شحجيلك يمسلم
جرح اصعب من جرح
عطش عبد الله بخيمنه
نريد ماي وما يصح
تالي ذبحوا بين اديه
وذاك راسه اعله الرمح
طفل ست شهور عمره
نحره مو مالت ذبح
امه اعله ناگه هزله وتگول
نايم يعبد الله دللول
.. وبرمحه مشيول
يمسلم سامع بيوم
طفل بالنبله مفطوم
من المصايب طلع شيب جفونك
سولفلي عن كل الحجي البعيونك
بدمعة العين .. بدمعة العين
~~
من وصلني خبر موتك
بروحي ما ظل كل صبر
طحت فوگ الگاع لمن
طحت من فوگ القصر
عظامك تكسرت كلها
واحس بعظامي الكسر
گلي شمسوي يخويه
بخيل جروك الكفر
هاي المصيبه تهد الجبال
مسلم يجرونك بالحبال
.. يا شيخ الرجال
صدگ يا نور عيناي
متت ما شارب الماي
ميت عطش والغيم يم متونك
سولفلي عن كل الحجي البعيونك
بدمعة العين .. بدمعة العين
~~~
گالي بنيتك حميده
مثل بنتي مدلله
مات ابو فاضل وعطشت
للأمان بكربله
بلا خيم هيه ورقيه
شكثر ركضن بالفله
حافيات وجمر سحگن
والمتون مهدله
ابراهيم ومحمد اخيه
يا مسلم انذبحو سويه
.. صعبه الرزيه
اشكرك عالوفه البيك
الزجيه امي تجزيك
بوكت الغدر انته الثقه يسمونك
سولفلي عن كل الحجي البعيونك
بدمعة العين .. بدمعة العين
رد مع اقتباس