هنا

[احمد العثمانيے]

ليلة 1 محرم الحرام 1446 هــ - 2024 م
قصيدة: أيام الحسين
أداء والحان الرادود :حيدر البياتي النجفي
كلمات: مصطفى العيساوي
مونتاج: صاحب باسم - عباس اللامي
مكساج: حسن يونس
المكان : العراق - البصرة - الفاو
مجلس عزاء حسينية ام الحسن


هلت أيام حسين
حَضّر دموع العين
نعمة الله مسمين مجلسه

شهر حسين يا خدام أجانا
خدمتنا و مجالسنا امانة
هل عاشور حضر دمعة العين
گلبك شيله خل خيمة بمكانه

تهل عينك على حسينك وخدمة الآخر انفاس
تره الخدمة الك رحمة وكفيل الخدمة عباس

كافل الطف والكون
خلهم شما يحجون
كل محرم يلگون مجلسه

احنا لخاطر حسين انخلقنا
ولو ماهو چا من دونه ضعنا
خل أبالك انت مجلس حسين
سوانا زلم چي بيه لطمنا

زلم صرنا وتنومسنا نصبنا لأجله عزيات
تعلمنا بمجالسنا نگل للذلة هيهات

كل سنة نضل وياه
لا ابد ما ننساه
عدنا الجنة والله … مجلسه

عاشور السنة ما يشبه العام
هواي الموت ماخذ منه خدام
يم حسين راحوا ربع الحسين
وهنياله اليصير هناك لطام

بمجالسهم مكان الهم صورهم تبقه بالعين
اليفاركنا عدل عدنا يعيش اليخدم حسين

يمه لا تسئل ليش
اخدم الهم وتعيش
صعبة ينقاس ابيش مجلسه

عوف الدنيا وخدم بالمجالس
وخلك واحد من ازلام عابس
من عنده تعلم معنى الإنسان
انصار الوفة صاروا مدارس

يعلمونك يثقفونك تصير وياهم إنسان
يعلونك يرفعونك خدمتك ترفع الشان

اعلم افهم شنگول
انت وحّدك مسؤول
كل عمل بيه مقبول مجلسه

كل ما هًّل علينا شهر الأحزان
ما ننسى الغريب المات عطشان
نذبحلك نهر من شوف العيون
يالضليت فوگ الغبرة عريان

عمت عيني.. عله حسيني.. صبح للخيل ميدان
والمسلب عليه ننحب نصيح حسين عطشان

واليخدمه بعاشور
عبره عنده ومكسور
الكل تگله ماجور .. مجلسه





للتحميل: أضغط هنا