واثق بولائي لحيدر انتمائي
من الزغر لزمته وما گطع رجائي
____
مطمئن گلبي ولا خايف ابد من الشدد
لو تريد الدنيا اكثر راح اصيحلها بعد
لني املك سر إلهي ذكر ياحيدر مدد
دوم وياي حيدر مايهدني
من الروح أقرب هو مني
بالضراء ابداً ماتركني
بالسراء دائم ذكره حاضر
ابدا ما احاذر ..من تجي المخاطر
ما اخاف و حيدر بالشدد لوائي
_________
لومثل يونس انا بحوت المصايب انحبس
ما أأيس لحظه وحده وگلبي بالشك مايحس
حتماً بچفه يردني چفه رجعها الشمس
حامي الجار خيره اعليه واضح
بكل ميزان دايم كفي راجح
والعاداه خاسر وانا ناجح
الشيعي الحق يدرك هالقضيه
أعلنها الهويه .. روحي حيدريه
وياعلي دخيلك بكل وقت ندائي
________
لو مثل عيسى النبي گبال البشر كلها انصلب
واثق بحيدر ملاذي ذرة ما عيش برعب
انتظر ينزلي چفه وارتفع بين السحب
بين الناس أملك هالعقيده
أمر الكون حيدر كله بيده
لهذا الروح ماتشقه وسعيده
واليحميه حيدر راسه عالي
بغيره ما أُبالي .. حيدر عندي والي
دنيا ما تهمني لو رادت بلائي
__________
عطفك انقذ انبياء وحاشى تنسى شيعتك
بكل زمن نسمع مواقف ياعلي عن رأفتك
بالكُرة الأرضية كلها النا عمت رحمتك
مامحدود والحدك يجهلك
تنطي الخير للناس التسألك
والقرآن ياحيدر شهدلك
راكع بس مابخلت يمينك
ماحصل قرينك .. اوحد بسنينك
ياوحي تنزل ابگلبي مو حرائي
_____________
يالذي عطفك شملني سيدي من نشئتي
ياعلي بس حاجة عندي ادخيل لترد حاجتي
وياي اريدك يا امامي من انام ابحفرتي
يابوحسين حاشى تنسى عبدك
حتى الموت امري كله عندك
تدري هواي يامولاي اودك
والوالاك متمسه جهنم
بكل يقيني اعلم .. الشيعي لالا مايندم
بالصراط اشوفك واگف بإيزائي
_________
كلمات الشاعر : عبد اللطيف خالدي
تدوين: zahralobaidi
__________
تحميـل/إستمـاع
MP3
رد مع اقتباس
المشاركة الأصلية كتبت بواسطة sawsanmahmoud
