لهب نار بطرف خيمة
ويسر من الجمر بادي
طلعنا من الخدر للعين
شمر عگب الگمر حادي
نلوذ بعتبة الدخان
نسوان وتصدنا عيون
الگبل ماشايفلنا خيال
بأسمنا على السبي ينادي
خيل وزلم حاطت على بيوت الخدر
ليل ويتم فرينا كل وحده بگتر
أي وازينباه ... أي وازينباه
مسيه وكلشي بيها انباگ
ثنيه ومغرب شوحشه
ولينا على التراب يبات
تگطع وشيلم نَعشه
كل هذا ونهم بالليل
باجر چم سبي ناطر
ورانه شگد سفر وسياط
سبي ضعون ويسر ممشه
ليل اهدعش أكبر جرح شافه الگلب
خوف وعطش وصرعه الأهل فوگ الترب
أي وازينباه ... أي وازينباه
شگبر وَنهن بنات حسين
يدورن عنه بالبيده
رقية بحضن ابوها تريد
تنام تعودت بأيده
مشن يمه بتوالي الليل
ويشمن گامن جروحه
لگنا وفوگه عبدالله
ع صدره موسد وَليده
يمك غفن امسه المسه ومامش حضن
من دورن عنك لچمهن كم متن
أي وازينباه ... أي وازينباه
خضار يهفي فوگ أرماح
هوى ومرفوعه العمامة
يساهر وَي دمعنة
وأبد كل ليلة ما نامه
يلمنه وحدره نتلاگه
رمح وشمگبر فيايه
يصدنه ويكبر جروحه
سبايه ونمشي چدامه
يِتعثرن خويه النياگ الراحله
ويحدي الضغن شمر وخوله وحرمله
أي وازينباه … أي وازينباه
درب عثره وچدَم متعوب
وسمه تبجي على ممشانه
سبي عيون وضعن منهوب
و خدر بمتونه نيشانه
يتامى وتهنه بالهيمه
ولا خيمة التلم يحسين
يمر ليل الخرابة بخوف
وروس الفوگ سهرانه
ليل الدرب يخلص بچي ونوح وسهر
ماي الشرب يچفونه گدام النحر
___________________
ملا عباس عجيد العامري
أسم القصيدة : سبي العلويات
كلمات الشاعر : علي أبو عراق
رد مع اقتباس
