القصيدة:سائل عشك
الرادود:محمد باقر الخاقاني
كلمات: الشاعر احمد اللامي
__________________________________________________ __________________________________________________ ________________________________________
يل عايش بروحي خيم بس تحترك
تطفيني دنياي واجي سائل عشك
يندهني عاشورك واجيك بيا قلب
مجروح ويدور على درب الصدك
هم دارت سنة والمقتل انعاد....رايد جم سنة يعطشك العاشر
ما مستوعب الصار من الاحداث....جنة البيك صاير توة صاير
هم دارت سنة وتهيب الخيل....اني شعلماني بل حوافر
شعندي حجي....شعندي بجي....لا ما يطيبن صدرك
الما يحترك....بحجيك العشك....لا بل كلام يخسرك
حسين....حسين....حسين....حسين
__________________________________________________ __________________________________________________ ________________________________________
بعيونك الغارن شفت نار الخيم
وبقلبك تحظنة عطش وهوَ سهم
عالم محبتك ينوجد بس بل جروح
وجاي انة شارد للجرح من الوهم
اسولف بيك سنتي وانصدم بيك....اكتشف كل الاكولة عليك فاتر
اليسولف بل سهم وتطيحلة الدموع....مو مثل الحظنهة وقلبة فاير
الم كل النعاوي اسمعهة والكاك....وكل عاشر يمر محتاج ناصر
مغرب عشت....ضامي متت....يل غائرات عيونك
وجهي الك....واتخيلك....من هدمك يسلبونك
حسين....حسين....حسين....حسين
__________________________________________________ __________________________________________________ ________________________________________
عاشورك وهذا العشك دمعة وجرح
عايش على ملوحة دمع ذاك الصبح
يبجيني ناعي وبل قلب يصبح امل
حب الحسين البلقلب ما ينذبح
انة يخالط شعور الحب والجروح....واغيب على الرمح والكاك حاضر
ما عندك عرف ببرودة الماي....تموت وقلبك من ظماك شاجر
كل ليلة طبك اكبر سنة خوف....واكولن هم يضل وحيد باجر
كل ما يمر....عاشر ظهر....ينزف حنانك جرحك
عندك ظعن....يتاني زمن....يفارك الراس ورمحك
حسين....حسين....حسين....حسين
__________________________________________________ __________________________________________________ ________________________________________
يل دمعتي تنزل فضل من رحمتك
شيجازي دمعي زينبك لو غربتك
تمحي ضياعي وللابد ما ينكتب
وحل الضياع بعاشرك يم خيمتك
شحال الساهرت ما بين الخيام....شكد يصير عمرة القلبة حاير
ياهو الجان اسرع واحتوى الشيب....عد زينب قلب جازع وصابر
وقلب بارد اجيك شما جمر بي....فرق بين السحك والفات عابر
فوق الحرك....صار السحك....والخيل اجت لاطفالك
تركض الك....يلمن هلك....محد اجاك وشالك
حسين....حسين....حسين....حسين
__________________________________________________ __________________________________________________ ________________________________________
عاشرتك بقلبي عشك وانة طفل
وابجي على الراحت سبي فوك الهزل
ما جربت بل موقف افزعلك قلب
اكفلني انة وموقفي صعبك سهل
اراجع حبك بقلبي نعي ايتام....والكاني فراغ على الدفاتر
انة الجنت اسولف حبك ارتاح....صرت ما امن بحفنة مشاعر
طالب ربة....يابو الابة....ربيني موقف لاجلك
لو بل حلم....الكة زلم....فزعني فازع لاهلك
رد مع اقتباس
