القصيدة: الحب متكون بحرفين
أداء: مسلم الوائلي
كلمات: عباس أديب المالك
~~~
حسيناً وآ حسيناه
~~~~
شهد السوالف والمسامع
عندي گلب يهوى المواجع
بكل العوالم عاش حبك
واختار دين اسمه المدامع
يا جرح ما عايف گلبي
يا حبي .. وآلامي
طير الگلب عاش بغصنك
وبحصنك .. أيامي
محسسني مو بس اخيامك
الأحترگت .. اخيامي
يكينونة گلب سائل
يالمعدل عشگ مايل
صرتلك انه مو للغير
بعذابك والعشگ قابل
~~~
نزلك ربنه إلنه آيه
ونقراك بدموع الدرايه
للعاصي والمذنب حسيناه
انا جعلناك هدايه
باب الله واكبر بيبانه
واحسانه .. عالوادم
بكل لحضه ما شاغل حالي
ودلالي .. شگد نادم
ما يحكم بعدله لگيته
بحنيته .. هوه الحاكم
لگيتك مصدر الرحمه
الضايع جفك يلمه
يا اول واحد وما صح
ينجي العالم بدمه
~~
أمنه لله في هوانه
حبك لگيناه الأمانه
انصونها بدمعة غرامك
الدمعه اعله حب غيرك خيانه
الصفنه الما بيها عيونك
يخونك .. دلالي
كون من اگولن بس انته
تبقه انته .. بنص بالي
مو مشتهه الحب لا غيره
يا غالي .. يا غالي
الحب متكون بحرفين
الهل حرفين صار الدين
يعني بمختصر ماكو
دين بلايه حب حسين
~~~~
اغرب علاماته العجيبه
حبه نعيشه بنص مصيبه
اسمك غزل بس غزل عطشان
روح الغزل يمك غريبه
كل كلمه حب لمن تطلع
من تطلع .. مذبوحه
تذبحها شفته المفطوره
ومجبوره .. تشب روحه
ياهو الگاك بضحكاتك
وبسماتك .. مجروحه
بغزل ما يكتمل حبه
يذبح سهم البگلبه
گلبي شما يريده بخير
اذكر دفنته الغربه
~~
رازونة جروحه ضواها
تشرق عالگلوب اللفاها
قد ابكى عين الله لا بل
جروحه منو اللي ما بجاها
يبجي النشوفه ومنشوفه
وملهوفه .. كل دمعه
عالطايح ومحد شاله
وخياله .. يم ضلعه
ولا ما هده گلب الزهره
متوجره .. ومنفجعه
مفجوعه بگلب جمره
شينشف دمعة الزهره
التخاف عليه يحسدونه
تشوفه منسحگ صدره
°°°°°°°°°°°°°°°°°°°°°°°
رد مع اقتباس