مولاي انته كلشي الي ناسي وديرتي وهلي
.....مانفترگ
مازالت دمعتي تصب حاشا يعوفك الگلب
......ذايب عشگ انا ذايب عشگ
لا مانفترگ
يامالك الحر والعبد راضي شتريد احسبني.
مو مثل ماحب كون اصير مثلما انته تحبني
خليني اشب وي الجرح وارتاح اذا عذبني
وي البعمري الطم الك واستمر وي ابن ابني
حسين... حبك شملني واخذني مني لخيامك .كربلا
حسين... الك سلام واخر غرامي ياسيدي واوله
حسين ...حبيبي...حسين مجيبي...حسين طبيبي ...حسين
:::::::::::::::::::::::::::::::::::::::::::::::::: :::::::::::::::
شتفيد العبره والفكر بغير الطمه ع الصدر
....ماكو اي نفع
توحيدي بدمعتي ولطم ايدي وحسرتي وتناهيد الدمع
....مابي اي نفع من غير الدمع
عمري الگضيته بخدمتك خلف الظهر خليته
ياسيدي الحظ والبخت فصل وانا ادفع ديته
من هسه اريد ابدي بعد صفيلي گلبي ونيته
وما اعتبر ذاكَ جذب لا چني ماسويته
حسين...حبك هويتي صفيلي نيتي راح انسه كل المضى
حسين...كل الي گلته وكتبته عفته راح ابدي اخدم قضى
حسين...حبيبي ...حسين مجيبي ..حسين طبيبي ..حسين
:::::::::::::::::::::::::::::::::::::::::::::::::: :::::::::::::::
:ماانسه وحرام اجن ليلي بلا بچي حزن ولحد ....الصبح
عاري وضعنه ع الهزل ضاعو منه چم طفل بحر ذاك الظهر
...ياذاك الفجر ويانار الظهر
عن كلشي اغير وانثني وعن دمعي مااتنازل
بعاشور خايف سيدي اگبال الزچيه اتفاشل
ياسيدي هل الشهر وياريت بالطف ماهل
تتقابل ايتام وضمه وخيل وخيم تتقابل
حسين....غريبه روحك والم جروحك من الخيم للنهر
حسين...گلبك تچوه وفگد الاخوه والغربه تكسر ظهر
حسين....حبيبي...حسين طبيبي ...حسين مجيبي ...حسين
:::::::::::::::::::::::::::::::::::::::::::::::::: ::::::::::::::::
مولاي ارد اسكت واضل خادمكم مهما حصل
....روح وجسد
مو دوم احجي بالفعل لاچن روحي تشتعل
...للي بالمهد مگلوب المهد ماضل بي. ولد
مو دوم اسوي الي گلت يارب دمعتي ادخيلك
من كلشي مني من البشر تايب وجيت ابديلك
يل نايم بحر الشمس والعطش ماخذ حيلك
كل الاعرفه ومقتنع خالقني الله ابچيلك
حسين....بذنوبي اكثر وياك اقصر احضر وارد اختفي
حسين.....بس مااخونك وحق عيونك وعيون اخوك الوفي
:::::::::::::::::::::::::::::::::::::::::::::::::: ::::::::::::::::
الملا: محمد باقر الخاقاني
الشاعر: احمد الهلباوي
اسم القصيده: ذايب عشك
رد مع اقتباس