محرم ياخدم .......اجه وهلاله دم

الحضر دمعته وحزامه خادم

الباني جادره ....يبلغ المادره

ترى شهر الذبح ياناس قادم

حضروا لحسين الدمع لبسوا السواد

بعد جم يوم وتجينا ايامه

الي ناسي ومامحضر روحه زين

ليش يحسب روحه من خدامه

خادم لخادم يروح يگلة شهر الجروح

....بالدمع...

رفعوا رايات العزاء استقبلوا طف كربلاء

.....بالدمع

..................................


الاسود ينلبس.... على الضل بالشمس

ونكثر العزه لابن الزجية

المجالس قائمه......بكثر نجم السما

وتصير الشوارع حسينيه

وين مافارغ شبر ننصب عزاء

تنجمع لطمتنه كون بصوتها

روحي تركض وين مامنبر يصير

وماكو مجلس للحسين يفوتها

الصرخه تبقى للسنين...خالد يضل الحسين

بالدمع....

رفعوا رايات العزاء استقبلوا طف كربلاء

.....بالدمع

....................................


على الحب والعهد.... نضل وللأبد


بدمعنه نلاگي عاشور المصيبة

محرم بي جرح. ....نحر شاله الرمح

وبي زينب يسموها الغريب


كون عام يصير عاشور الحسين

حتى بالخدمه نخلص ايامنه

والجوادر تبقى مبنيه بسواد

بالحداد تضل ترف اعلامنه

هاي امنيتي اگول...كون تقبلها البتول

بالدمع....

رفعوا رايات العزاء استقبلوا طف كربلاء

.....بالدمع

....................................


وصل شهر الدمه...اليبجي فاطمة

نحر مگطوع منه وشيب دامي

قميصه ينشر ... سبوا حتى الخدر

وفوگ السحگ جان حسين ضامي

حسين طايح والحوافر. بي تدوس

راحت وردت يوادم فوگه


كون يلطم ليله والنهار اليدري هيج صاير بمعشوگه

حسين عاشور جبير... مو نعش جثته بحصير

بالدمع....

رفعوا رايات العزاء استقبلوا طف كربلاء

.....بالدمع

....................................



السبي الماينحمل.... على النوگ الهزل

والايتام بحبل مجتوفه كلها

الخرابة والقصر. ..... يريدلهن عمر

يابواجي الي. ترد زينب لهلها

لو نگضي اعمارنه نبجي وننوح

مانوافي عثره من جدامها

بعد ما طاح الحسين وسلبوا

على زينب احرگوها خيامها

وي السبي لازم نطوف .. هذا قانون الطفوف

بالدمع....

رفعوا رايات العزاء استقبلوا طف كربلاء

.....بالدمع

....................................


الملا: سيد فاقد الموسوي

الشاعر:: محمد البطحاوي

اسم القصيدة: رايات العزاء