بنص خيامنه وتشمتو بينه بنص خيامنه

اريد الطم وكلبي عليك مشلوع
ممنوع اللطم يحسين ممنوع
اديه مچتفات وصارلي اسبوع
مطبوكات الضلوع على الضلوع
من الكوفه للشام…..تمشي الروس كدام
(شلون براسكم تلطم المجتوفه شلون برايكم)
**
جرح فراكم ماشوفه طايب
من ام الخدر لام المصايب
ماعدهم اهلنه بيوت بالشام
سويت العزه بنص الخرايب
اريد الطم على الضلوع…صوت الليل مسموع
(يحسين وازوني حتى ع اللطم يحسين وازوني)
***
يا ابو الغيره كوم الحك خواتك
كل السوك شاف مدللاتك
راح نطب قصرهم خويه عباس
ماعدنه كفيل ورايداتك
طالت نومتك هاي….ردتك توكف وياي
(صاحو بأسامينه من باب القصر صاحو باسامينه)
****
ياعباس دارت بينه الايام
عكبك بالخرايب زينب تنام
انته نكسر ضهرك من السيوف
وانا نكسر ضهري بطبه الشام
زينب جازيه الشيب….حتى بموتي ماطيب
(من صعده الناكه مكسورة ضهر من صعده الناكه)
**
هلا تنادي الجبيره وعيني هماله
تره اليفكد مثلكم موته يحلاله
الحافر لاح صدره واثر سواله
من كد السحك حيل….ماضل ضربه للسيف
(يابويه الحوافر واصله الطيفك يابويه الحوافر)
***^^
يكون البيك بيه يابعد روحي
ولجماتك عسنهه تصير بجروحي
شما اصفن عليكم يشتعل نوحي
جابت هدمك الخيل….ضاك باختك الحيل
(جابت هدومه الخيا بصف رقية جابت هدومه)
**
وصلت حسين بس ياجثه من عدهن
كلهه مكطعه والخيل سحكتهن
عرفته مبتسم ضحكاته اعرفلهن
ودوس الخيل مسموع …سحكو كل الشموع
( ومن دوس الحوافر باد ابو اليمه من دوس الحوافر)

.........................

الملا: امجد كريدي

اسم القصيدة:: بنص خيامنه