قصيدة لفراق الاحبة
اليله جمعه روحي تعبها البجي خلصانه
اليله جمعه رحتو عنها وهل صفت نحلانه
الراح مايرجع بعد
وسفه نامو باللحد
اليله جمعه
سكنو اگبور النجف ماتو اهلنه
وسفه راحو للحد اهل المحنه
رايح الگلب الحنين الماكو منه
راحو ومات الفرح شيسوه عمرنه
اليله جمعه.. تمنيت لو ضلو بعد ويانه
اليله جمعه..روحي لحبابي تضل لهفانه
ماتو وماضل احد
وسفه نامو باللحد
الليله جمعه
وسفه راحو للحد ما يرجعون
همه نامو بالگبر ماظن يجون
همه يدرون بفگدهم نعمي العيون
كون اهلنه ما مشو لامن يشيلون
اليله جمعه ..روحي لحبابي شكثر عطشانه
اليله جمعه .. راحو الجانو امس ويانه
راحو الجانو سند
وسفه نامو باللحد
اليله جمعه
مضلمه صارت حياتي والبيت خالي
من بعد فگد النحبهم ماكو غالي
هبطت راسي الگبل لجان عالي
وسفه راح الجان كل عزي ودلالي
اليله جمعه..وين الفاگده تگابلني اهنانـه
اليله جمعه..روحي لحبابي شكثر عطشانه
بعد ماضنه يرد
وسفه نامو باللحد
الليله جمعة
راحو احباب الكلب يمكن نسونه
شنعتب عليهم بعد من فارگونه
يعينه الله كل محب تعبن جفونه
من البجي والون ولا ملن عيونه
الليله جمعه. ونرتل ابقرآنه
الليله جمعه.الفاتحه نقراها الموتانه
كلبي صاير ك الجمر
بعد المن انتضر
الليله جمعة
الڜــٰٱ؏ــڔه غـدير البـاهلـي
رد مع اقتباس