ـــــــــــــــــــــــــ ـــــــــــــــــــــــــ ــــــ
القَصيدة: أخذُوا أديَة
أداء:مُحَمّدْ بَاقِر الخَاقَانِي
كلمات: السَيد مُرتَضَى اليَاسرِي
ـــــــــــــــــــــــــ ـــــــــــــــــــــــــ ــــــ

أحس كل شيء يريد يجر أدِيَه
و مَا يَاخذني يا ساداتي يمكم
يمن حبّكُم حرِز .... أمان من الوهم
أنا كلِّي حَذَر ...... يزَل بِيَه الجدم
مَا بِيَه أروح ......و أنسى الجروح
الحبّ العظيم .....عادي يروح
و رغبة لغيركم تندار بِيَه
أمد إِدِيَه و أنتُم أخذوا أديَه
أمد إِدِيَه و أنتُم أخذوا أديَه
ـــــــــــــــــــــــــ ـــــــــــــــــــــــــ ــــــ
أكو شِيء لكُم بگلبي لگیتَه
بعت كلّ شيء لِيَّ و أشتريتَه
ناس و دنيا يردوني أعوفه
وين الگاه بعد لو ضيعيتَه
أچذب لو گلت ....... أنا بلايَه جرح
كسَر گلبي العطش ...و رقيه و الرمح
أعلن حِدَاد .... بلبس السُوَاد
خِيام الكَفيل ...صارَن رماد
هذنِ شلُون لو ماتن علِيَّ
أمد إِدِيَه و أنتُم أخذوا أديَه
أمد إِدِيَه و أنتُم أخذوا أديَه
ـــــــــــــــــــــــــ ـــــــــــــــــــــــــ ــــــ
وَهَم يتبَع وَهَم مَحّد يدَلِي
عليكُم بَس مَجالسكم بقَن لِي
غيَر دمُوع عيني و لطم أدِيَه
گدام الزچیَه ما شهد لِي
اليصيح بلا ألَم ... يعرفَه المنكسر
البرَد ما ينفهم .... كَلامَه على الجَمر
من أستريح .... أخجَل أصيح بلَا لَچمَه
أخاف أحچي بذبِيح ... من نيرانكم قسمُوا لِيَّ
أمد إِدِيَه و أنتُم أخذوا أديَه
أمد إِدِيَه و أنتُم أخذوا أديَه
ـــــــــــــــــــــــــ ـــــــــــــــــــــــــ ــــــ
أهم بِيمن إذا مَا هَمنِي گلبي
غيَر الگلب بِيَت يسكنه حبّي
يَلحبّكُم چبیر و شالته أطفال
يَريت أرجع طفل و دمُوعِي دَربِي
گلُب رايد گلُب ..... غَرَام أهْلِ الخِيَم
شِيجرحَه المَابچَه ... لطفل صَابَه السَهَم
بِيد الحُسَين .... فَاتح أدِين
سَهَمِ الحَديد .... غمض له عين
طفِل يترُوى بسهَام المنِيَه
شسوَت بِيكُم آه يَلغَاضرِيه
وَيلَاه... وَيلَاه ... وَيلَاه
ـــــــــــــــــــــــــ ـــــــــــــــــــــــــ ــــــ