هنا

[ابو مناف البصري]

( شيعي وافتخر)
شيعي انه وافتخر ..... بانتمائي وديني
لا وحك حيدر علي ..... ما اعوف حسيني
------------------------------------------
كلبي من يوم الولادة بفطرته
عرف دين الحق عظيم بفكرته
واني واليت الرسول وعترته
الخصهم الباري الجليل بقدرته
اني من اشرف نسب ..... طينتي وتكويني
لا وحك حيدر علي ..... ما اعوف حسيني
-------------------------------------------
لسه من بسمار ضلع أم الحسن
جرحي ينزف من طواغيت الفتن
وجرح حيدر ما نشف طول الزمن
بطبرة الحق انفتح باب المحن
وجبدي ينزف عالحسن..... والآلم يطويني
لا وحك حيدر علي ..... ما اعوف حسيني
--------------------------------------------
والله لوما منحر ابن المصطفه
جا صفه الاسلام طير اعله اسعفه
تربة المذبوح للعالم شفه
بلايه ابو اليمه عله الدنيه العفه
ادري يوم الواقعه ......والحشر يلفيني
لا وحك حيدر علي ..... ما اعوف حسيني
-----------------------------------------------

لا وحك دم الرضيع ونبلته
ينتحر كلمن يكرب عمته
وهذا مرقدهه الشريف وكبته
وفنه يدنه الشمر ويمس تربته
مثل عابس بالحرب..... منهو اللي يلاكيني
لا وحك حيدر علي ..... ما اعوف حسيني
-----------------------------------------------
اشلون مني اتطيح راية كربله
وبيدي سلمهه كفيل العايله
لو توذرني السيوف اعله الفله
عندي هاي اعظم شهاده ومنزله
وباجر بجنة عدن ..... زمزم يرويني
لا وحك حيدر علي ..... ما اعوف حسيني
---------------------------
الحكم بالدنيه مبني اعله الظلم
والدليل الناس عاشت بالهضم
وهاي رفعة ايدك وصوت اللطم
تعني بس المهدي عادل بالحكم
ربي عجل بالفرج ...... غيبته اتأذيني
لا وحك حيدر علي ..... ما اعوف حسيني
--------------------------------------------
الشاعر السيد علاء الموسوي

[ســـــجـــــودي ﹩ʝ☹]

احسنتم اخ ابو مناف