القصيدة [ ليش العٓتب يصّحابي ]الرّادود [ محمد الجنامي ]
الشاعر [ وسام الشويلي ]
~~~~~~~~~~~~~~~~~~~~~~~~~~~
كالولي كافي من الحزن كلت الحزن مو كافي
ماجوز حد ما اندفن هيج اليحب يوافي
حكي من أون اذكر واحن ليش العتب يصّحابي
دمعي يصب وسط الترب نزلت بيدي احبايي
~~~~~~~~~~~~~~~~~~~~~~~~~~~
مرات مو وكته العتب والراحة مو مثل التعب
ايلومك الما يعرف سبب علة ونينَّك
هوّه الألم ما ينشرح ويتعبك الما منجرح
هذا أنا طير بلا جنح كدام عينك
اتصورني ناس ابلا وطن والدنيا غربه
احسبني عطشان ابوسط صحره اشيشربه
هم شايفه الرايد هوه وصخره أعلى گلبه ..
هيچ انا واكثر بالوصف واجرّوح بيه هوايه
مااگول اوكف يا نزف خليني اصير حجايه
عُمري انذبح مات الفرح صار الحزن جلبابي
دمعي يُصب وسط الترب نزلت بيدي احبابي
~~~~~~~~~~~~~~~~~~~~~~~~~~~
مَعذور أبقى منكسْر وادموعي تتناثر جمر
وَي فاطّمة عِشّرة عُمر طيبّـة مَشّاعــر
ما شفت من عدّها الچفه مااكو مثلها بالوفه
راحت واحس بيتي طفّه ومو بيتي صاير
معذور اذا وكت المشي شافوني اعثر
چانت عيوني فَاطّمَـة لا وَلله وَاكثّر
فرگتها كل يوم اليمر سنتين اكبر
باتت تجاعيد الوجه والشيب تارس راسي
مخنوگ بس وين اتجه تحت التراب انفاسّي
وحدي صرت واتحيّرت مهضوم قافل بابي
دمعي يصب وسط الترب نزلت بيدي احبابي
~~~~~~~~~~~~~~~~~~~~~~~~~~~
ابچي بعقل وبعاطّفة والدّمع نوع من الوفة
جمر المّوادع ما طفّه بإحساسّي شفته
دنياي وحشّه ومكدره وابعيني حلوه المگبره
مو فاطّمة التحت الثره گلبي دفنته
استاحش ابيتي اللذي من الزهرة خالي
واتعلقت بالمگبرة البيها الغوالي
عايش بأمل والملتقى ابيوم ارتحالي
احچيلها ومن الگبر أُم الحسّن تحچيلي
واشگيلها ما ظل صبر يالغاليه ادعيلي
يأم الحسّن ويّه الزمن ماظن يفيد اعتابي
دمعي يصب وسط الترب نزلت بيدي احبابي
~~~~~~~~~~~~~~~~~~~~~~~~~~~
عمّار رايدني اختضب واترك دمع عيني اليصب
ما تدري باحزان الگلـب آنه مبصيبة
اثلاثين عام المضن وچن امس ميته ام الحسن
مااكدر بطول الزّمن انسّه الحبيبة
حتى اذا داري اصبحت عنّها بعيدة
تبقى قريبة فاطّمة ايگلبي ابوريدة
اشما اگبر احزاني ترد الها جديدة
كل ما كبر بيه العمر تكبر اوياه اجروحي
فاطّمة روحي ومنتظر نتلاگه اني وروحي
هية الهوه هيه الضوه هيه الدوه لصوابي
دمعي يصب وسط الترب نزلت بيدي احبابي
~~~~~~~~~~~~~~~~~~~~~~~~~~~
ياروحي حسّره اتوهّجي. دنياي منّها اشتأرتجي
تانيت ابن ملجم يجي وآنه بصلاتي
بس موتي بي راحة الي وتخلص احزاني بمقتلي
صدگوني يا ناس وهلي رايد وفاتي
وينك يبن ملجم آنه عايش مآسي
سيفك المسموم شوكت ينزل ابراسّي
بالطبرة انه الكسر الضلع رايد يواسي
يا سيف صوب هامتي خل دمّي يخضب شيبي
ارتاح آنه بموتي ويخلص الم تعذيبي
والخاتمه يا فَاطّمَــه لأجلج هويت مصابي
دمعي يصب وسط الترب نزلت بيدي احبابي
~~~~~~~~~~~~~~~~~~~~~~~~~~
~~~~~~~~~~~~~~~~~~~~~~~~~~~
رد مع اقتباس
