القصيدة؛[صَوتُ زَينَب]الرّادود ؛ مُحَمَّد الجنَّامِيْ
الشّاعر ؛ كَرار حسّين الكربلائي
~~~~~~~~~~~~~~~~~~~~~~~~
صَوتُ زَينَب .. جَاءَ ينحب
ابي عَلي أَين أُمّي .. أُمّي
~~~~~~~~~~~~~~~~~~~~~~~~
من رجعتي من الدّفن تعثّر خطواتي
النعش خَالي وچفني مَتروس بدمعتي
تلگاني اباب بيتي دموع بنتي
حچَت يَمي بالهضيمه
البگه براسك وَانتَ خَيمه
بَس يَبويه فراگ أُمي ابزغري خَلاني يتيمه
يَا عَذابي وَ اغترابي
صغيره لاح يُتمّي يُتمي
~~~~~~~~~~~~~~~~~~~~~~~~
ليل واسمع صوت خطواتك يَمظلوم
بين خطوه و خطوه تگعد جيت مهدوم
اتراب گبر امي الزچيه فوگ الهدوم
انتوا رحتوا وانه وحدي
صافنه ايدي اعلى خدي
طلع نَعش أُمي ووراهاركضت دموعي على خدي
صحت ويلاَه وَا عليّاه
بفقدها غَاب نَجمي نَجمي
~~~~~~~~~~~~~~~~~~~~~~~~
بيتي وحشه الموت طفه شمعة البيت
اشم بالسجادة و بسبحتها ظَليت
ريت امي تردلي بس شتنفع الريت
الباب اشوفه و اجري الدموع
من دماها حَمره الجذوع
بحرگه احچي ليش يا باب كَسّرت من عدها الظلوع
عاصروها قتلوها
لصدّرها المسّمار يُدمي يُدمي
~~~~~~~~~~~~~~~~~~~~~~~~
امس مات المحسّن و بيدك دفنته
اليوم ماتت فاطمه و تنوح سكته
الشيب تارس لحيتك هاليله شفته
وانه مثلك راسي شيب
ابزغر سني لأمي انحب
وهيه گالت راح تبچين كل حياتچ يُمه زينب
ذاب قلبي زاد گربي
يتيمه صار اسمي اسمي
~~~~~~~~~~~~~~~~~~~~~~~~
من گبل متموت وصتني بوصيه
شمّي نَحر حسين بأرض الغاضريه
وانته تحضر من يجن ليلي عليه
تسمعه صوتي مهدّمه الحيل
علي بويه هَود اليل
خيم مااكو زلم مااكو وابنك حسين سحگته الخيل
عارِ سألقاه مرمي مرمي
وا حُسيناه وَا غَريباه
~~~~~~~~~~~~~~~~~~~~~~~~
~~~~~~~~~~~~~~~~~~~~~~~~
رد مع اقتباس
