هنا

[NAZ‌]

القصيدة؛[هَلْ مُحرَّمْ]الرّادود؛[مُحَمَّد الجنَّامِيْ]
الشّاعر؛[كرار حسّينْ الكرّبْلائيِ]
~~~~~~~~~~~~~~~~~~~~~~~~
هَلْ مُحرّم يعاشّگ مُحرمْ
گلبك و گلبي بالخدمة مُغرمْ
يله خَل نلبس اسود عَلى حسّينْ
سر دمعنه هوَّ السّرْ الاعظَّمْ

تتهيأ الخَدمْ … يتبدَّل العَلمْ
بالحضرَّة نلتقي ومنْ كَرّبَله يبديِ المنه
مَوكبنّه ينّصُبْ … يجمعنّه هالدّرُبْ
لمتنه خدمته وبخيمتَه الزّهره تلمنه

نسّد ابوابْ الارزاق رزق خدمتنَه أَحلَه
نعوف المَالْ والحَالْ نشّوفَكْ إِنتَ أَغلَه
نمل مِنْ كلشّي مَولاي طَرّيقك ما نملَه
خدمتك جَنَّةْ الخادِمْ حـَـبـيـِـبْي

يَا سيدْ الحُبْ عشّكتَگ بينْ المَشّاعِر رِسَمْتَك

حلوة الحَياة بخدمتَگ يَا آبا عَبدْ الله
~~~~~~~~~~~~~~~~~~~~~~~~
أَتعبْ و قمة الرّاحة تَعبك
احلى كلماتي كلمة احبگ
دنيتي بوجهي لو سَدتْ البَاب
يا حُسّين انتَ تفتحلي گلبك

مَولاي ابو عَلي إنتَ الملاذ اليّ
صاحبْ فَضل صرتْ مَا ينسّي فضلك عَليه
كافلني بالزّغر … مدّللني بالكبر
غركني خيرك ومن رحمتك تارس اديه

احبك حُب مسّاكين بدونگ روحي تذبل
بخدمتگ گلبي يرتاح وتصير ايامي اجمل
عليّ خل تزعل النّاس المهم لا انتَ تزعل
أَهم شي عنْدّي مرّضاتَّكْ حـَـبـيـِـبْي

ڪلّ العُمر أخذه منّي عنّدي المُهم ترضى عنّي

هَذا الامل والتمنّي يَا أَبْا عَبدْ الله
~~~~~~~~~~~~~~~~~~~~~~~~
يَا ملك انه مُلكك واطيعك
لو أَبيعْ العُمرما ابيعك
ابچي كل ما شفتْ طفلي عَشطان
اذكُر شلون بچيت لرضيعك

ارزقني خدمتّكْ أرزقني حركتك
ارزقني كل وكت الطم الگ وابچي لمُصابَك
بچيني عالخيم بچيني عالحرَّمْ
بچيني عالسّبي وعيشّني جمرة منْ عَذابَك

جَمالَك فوك الرّماح اذكره وروحي تتعب
اريد ابچي على عباس اريد ابچي على زينَبْ
واريد ابچي لرقية الگلبها عليك شَيب
أَريد أَكثر تبچيني حـَـبـيـِـبْي

يَا صَاحبْ الشَّيبَه الخَضيبَة اختگ مشّت بَعدَك غَريبة

عيشّني كل هَـاي المُصّيبَة يَا أَبْا عَبدْ الله
~~~~~~~~~~~~~~~~~~~~~~~~

[ســـــجـــــودي ﹩ʝ☹]

شكرا

[NAZ‌]

نورت