ياضعن الخدمه ارحم عيني
من تتعداني وتجزيني
انا الخسران.....
ارد الحگ بدمعاتي والطم وي صيحة مولاتي
ااه ياعطشان.....
يگلبي اليلتفت لو يلتهي بغير الخدامه
يتاخر ع الضعن وتفوته قافلة الشهامه
يضيع المايتبعك ياضعن خدمة حبيبي
وانا الماريد اضيع ديني وايماني بخيامه
لجل الضامي واخته وخدره
اگضي ايامي اجري العبره
ابضحوية مو عام ذبحوا عشيرة
افزع للخيام والدمعه غيره
مولاي......مولاي .....مولاي
........................................
ياضعن الخدمه وهاك ايدي
وحكمني بسجنك تأبيدي
واترسني جروح...
عدنا اجساد بنص الهيمه
وغربة ونسوان. بلا خيمه
لاوين تروح....
للـ انطاني الادين الطم واوفي حگ اديه
لحد ماصدري اشوفه ازرگ. يصير بكل عزيه
اليموت يغسلونه اهله ويدفنونه بكرامه
وثلاثه بلا دفن ضل ع الترب والد رقية
والزهره تصيح .....راح من ايدي
ع الغيره تطيح...اه يوليدي
وتبقى ام الايتام حيرتها حيرة
افزع للخيام والدمعه غيره
اركضلك فازع بحزامي
ماصد خلفي انظر جدامي
شصار بمولاي....
مو زلمة المايلطم صدره
لجفوف العباس وخدره
للماضاگ الماي....
يـ گلبي اليحجي ع اللطامه لاتسمع حواره
وعليك بدمعتك مالك شغل بالماله جاره
وابوفاضل تدابير الخدم كلها بمعيته
كفوا والله ويجيبه الجابك هنانه بأشاره
اجري العبره وحس بالعاشر
ياهو بصدره تلگه لحافر
حدر الشمس نام والطف حصيره
افزع للخيام والدمعه غيره
مولاي......مولاي .....مولاي
.........................................
.......................................
بضعن الخدمه السر رباني
لا ينطر واحد ويتاني
والدمعه شراع...
يمشي وتمشي ويا اهاته
المايلحك خيراجع ذاته
ويركض فزاع...
يگلبي اليحب اعله اللطم زحمه يتحشم
الزجية بكل وكت ع الماله ناصر عدها مأتم
وعقيلتهه تنادي. وماكو واحد يفزعلها
ضعن عدها انسبى وعدها ذبيح تغسل بدم
هم تتعثر هم عطشانه ...لأبو الاكبر والصيوانه
ياغربة الشام كلش جبيره
افزع للخيام والدمعه غيره
مولاي......مولاي .....مولاي
..........................................
يالتسئل عيشتنه بهاي خدمه وعاشور ومشايه
والطف نبجي..
نون ع المارحموا عدوانه. طايح واحتار بصيوانه
ياهو يطفي....
المصيبة بكربلا الماعنده اخو يسلبونه بيته
ولان صاحب حميه اتعمدا جرحوا حميته
العطش ذبل شكو جبده طفل جان بخيامه
وضعن ماشي بسبي وماخذ عفاف الله بمشيته
بالخيمه ابدي....واختم بيها
للطف حدي مااجزيها
واليحجي بالشام هو وضميره
افزع للخيام والدمعه غيره
مولاي......مولاي .....مولاي
..........................................
الملا: مجتبى الكعبي
الشاعر:احمد الهلباوي
اسم القصيده: ضعن الخدمة
رد مع اقتباس
