عدنا حب راوانه الوان الحياة
صارن بلون الدموع الذكريات
شلون تاخذ حبنه اوهام السنين
دخيل ام البنين....
ماقررنا احنه واختارينه
حب رحمه شفنه طاح اعلينه
هالمدمع الالم .....حبينه اهل الخيم
بلا ترتيب المهم حبينه
حجي الدموع. اوضح كلام
لمن يطيح لقطة غرام
شرع اليحب ااه وجروح
فتواها ااه من الخيام
عاش دين البكاء..كربلا ....كربلا...
.................................................
هذا حب مايستقر بالماله روح
بالگلوب الخاليه تطب الجروح
حبهه. من يبرد تصيح وتستيعن
دخيل ام البنين....
وبأسم ام البنين انادي
وتاخذ هوانا. لابن الهادي
تعوذنا من الجفة ... نطلب منهه الوفه
الصاحت فدوته كل اولادي
الصاحت ورا ورفعت ادين
يمتى تعود يمه حسين
مدمعهه طاح ماكو جواب
والدمعه هاي خذناها دين
سائلين الوفاء.....كربلا ....كربلا...
.................................................
يختلف عن غير حبك والجراح
شفنه بس حبنه وما دونه راح
منها نطلب لو يجف بينه الحنين
دخيل ام البنين...
حب المواسي اصدق حاله
عيونه وي فاطمة هماله
لو منهه صب دمع...وياها ينفجع
ويطهر الحزن دلاله
لمن تصيح يبني حسين
كل الوجود يمطر حنين
دمع البتول روح العزاء
وحيل العزاء ام البنين
عمري هذا النداء.... كربلاء...كربلاء
.............................................
مدري شنهو الجابنه حب لو مصاب
بس لگينه بروحنا دموع الرباب
وصار مايرضي الگلب الا الونين
دخيل ام البنين....
شفنه الرحمنه والاوانه.
ايتام وعطشى كل صيوانه
دمع العشگ جره...وحبينه منبره
هو الجمعنه والبجانه ....
گلبه الرحيم .....عالم دلال
من اذنب جفاء ....يغفر وصال
انطانه صيت واسمه الغريب
مثل الحسين رحمه محال
ياحبيب ..كربلا ....كربلا...
.................................................
هو هذا الحب وجع مابي قرار
وعيشة البي جرح دمعة اتاني ثار
وي صاحب ياالـ ثارات الحسين
دخيل ام البنين....
وي الدموعه تنزل حمره
ودمعه رقية نار بصدره
معذبته كربلا....وجارحته عايله
عكب الخيم سكنهم صحره
صحرى وظلام ماكو كفيل
يم العيال تدنى خيل
خوفها صوت گلوب لصغار
المن يصير گلب العليل
ويلي ..كربلا ....كربلا...
.................................................
الملا:ذوالفقار الكعبي
الشاعر: سيد مرتضى الياسري
اسم القصيدة : دين البكاء
رد مع اقتباس
