خالقني الله لخدمتك يعني انا مملوكك
واتمنى خادم انحسب وي اليخدمون
امنيتي هايه...... من البداية....
وخادم صرت لاهل الخيام
حبك جذبني ....منهه وجبرني
اقرا على الدنيا السلام
ما اهتم بالراح ولا اي واحد
حبك كلش كافي وخيرك زايد
انت التستاهل واحد يتعبلك
دمعي وي احزانك ضل متواعد
مولاي حسين......مولاي حسين......مولاي حسين
..........................................
عشگك يبو الاكبر. رزق ويحط بالگلوب
وحبك جبر ع الحر يجي يم رجلك يتوب
مثله جيتك...طالب حميتك
سامحني كاتلني القصور
مشيني بأمرك..بس لا اخسرك
واخسر رحمتك....
كلها تهون لعينك خل كلشي يروح
بس انت تضل عايش بالدم والروح
باول ماحبيت عاشرت الاه
گلبي الضاگ احزانك اصبح مجروح
مولاي حسين......مولاي حسين......مولاي حسين
..........................................
عندي خدمتك اغلى شي واحجيها باحساس
گلبي بهوى الخدمه انشغل يادنيا ياناس
عفت الخليقه ....وشفت الحقيقه
بمجلس عزائك ياحسين
لوما احبك...وامشي اعله دربك
جا الله يعلم انا وين
مولاي حسين......مولاي حسين......مولاي حسين
..........................................
ميت لوما حبك گوه احياني
حبيتك من گلبي. مو باللساني
ابجيلك من اسمع محد شالك
ونار اخيامك تحرگ كل وجداني
مولاي حسين......مولاي حسين......مولاي حسين
..........................................
كل مره اجيلك اعتذر وتگلي معذور
وابرد وارد بيك احترگ والگاني مكسور
تحرگني نارك وامشي بقرارك
وابجي وي كل واحد بجاك
ارحم عبيدك...مدتلي ايدك
گلبي بقى يمشي وراك
جنت بعالم وهمي وعنك ضايع
بس جابتني عيونك يمك راكع
صرت استهضم اسمع خدك ع الگاع
هدوا صوب اخيامك وانت تباوع
مولاي حسين......مولاي حسين......مولاي حسين
..........................................
الملا: مسلم الوائلي
الشاعر: ابو حميدة الشويلي
اسم القصيده: امنيتي هايه
رد مع اقتباس
