يالرايح وعايف گلب خايف عليك من الهوى
من تنزل بحضن الشمس بعدك ولا شوفن ضوه
دخان صاير مو گلب گدما بالفراگ انجوى
غير الدوه يطيب المرض شو انا اغصن بالدوه
من گلب صار جمر كون يضل مايدگ
لليعرفون شنو يصير اذا نفترگ
نار دموع والخدود نهر من جرح
يادوه يفيد اذا صار جرح ع الحرگ
البيت وحشه وبابنه نسد..الصبح لابس لون الاسود
امس هوسه....... اليوم محد ضال يمي
سافرر الماي وانا وياي ......ضال دمعي
.................... ............................
ارسم صوركم بالدمع هذا اليحب من يبتلي
واكتب رسايل بالعكس عود انت الموديها الي
كثرن ترى خاف انسئل وجروحي كلهن من هلي
واليختنگ يندب علي وانا اقرب الناس لعلي
اشبگ الگاع والاثار خفت تنمسح
وجررح الاعزاز يخليك تحب الجرح
تغفى بلكي الله ترتاح بالف يااعلي
بس الاحلام تراويك هلك ع الرمح
امس يمي اليوم هضمه .....گمر عمي وماكو ضلمة
وزينب نصيحلها يمه ....شلون جلمة
سافرر الماي وانا وياي...... ضال دمعي
.................... ............................
هم تذكر عيوني الجنت وياهن تگضي السهر
هم جبتوا طاريي وگلت ويانا كون بهالسفر
عبدالله هم يذكر گبل من جنت اشيله اعله الظهر
گالولي يحجي وكيفت معناها عبدالله كبر
وانا بليل اذا انام احاجي الدمع
تغفى مرتاح اذا صوت هلك ينسمع
ذني الجروح الي بروحي كلهن عرف
يحرگ بروحه اثاري خيط الشمع
بوية لو ماخذني يمك...اسمي راح يشيل همك
غاد من تشتاگ لامك....صيح بسمي
سافرر الماي وانا وياي........ ضال دمعي
.................... ............................
شوف اعله دربك مارمش واذكر ايامك گمت
ليش من اشوفنك گبل يركض ركض جان الوكت
بحلامي اسافر بالضعن واتخيل وياكم رحت
هم انعم الله اعله الحلم لو گاطع بعيني متت
اول تالي اموتن بالفراگ ترى!!
عود اضل ليش والعزاز مشوا بالسرى
هم يدرون يموتون والضعون مشت
حب الحسين بالعيون ينقرى
امس ذهن حسين شارد وللصبح خليته گاعد
خله يمهم ماي بارد
يامغرب الياخذني الك واكعد واسولفلك هظم
وابجيلك بگد ماجنت اكتب رسايلكم وامر
ردتك تصبرلي الگلب مو گلبي منك ينحرم
هو انا بس ثوب وعظم وفراگك يدگ بالعظم
اخر اخبار من حسين بدت تنطرح
گاموا هواي يجيلولي طاري الرمح
هسه ماريد. يردون هلي من الحرب
بس ردت كون يموتون عدل مو ذبح
اخر اخبارك ثگيله ....سولفولي اعله الهزيله
والله لو ميته العليله...ارحملها
سافرر الماي وانا وياي ضال دمعي
.................... ............................
الملا: سيد فاقد الموسوي
الشاعر: حمزه الحسناوي
اسم القصيدة: سافر الماي
رد مع اقتباس
