يوليدي من ظهر المهر گدامي شالك
مابيني وبين الشمس والمح جمالك
صورة غرام اعله الثرى توزع خيالك
لا تمشي سبحلك گلب عاشگ وصالك
غصنك حياة الي والضمه هدده
هاك اخذ عيني لعطش گلبك ندى
روحي ودليلي. وعيني الك فده
يبني علي....
غصنك عطش وانا عطش خاطري
شلون اگدر انسى جمالك يـ اكبري
صورة شباب يكحلة ناظري
يبني علي...
يبني علي كحل عيوني جمال عيونك
يبني علي راح اضلن بس جرح من دونك
يبني علي...ياغرامي وشوگي واحزاني
يبني علي....ياغرام عيوني وجداني
.................................................. ..
من عيني يتبده الصبر ومن شفتك تريد
ماي وخيمنه من النهر يالاكبر بعيد
بس جلمة الماي امتلك والجلمة شتفيد
وانا وي ماي العلگمي ميته المواعيد
يبني ملامح حسنك تغيرت
جنها بعذابي يكربلاه مادرت
ورده عطش وغيومي دمع جرت
يبني علي....
وينه جمالك حبيبي الهاشمي
وجهك يريده ظلام مخيمي
لورد المحبه يطولك ينتمي
يبني علي.....
يبني علي....غصنك اخصر عودتهم ناسك
يبني علي...يصير يابس مو عوايد ياسك
يبني علي...ياغرامي وشوگي واحزاني
يبني علي....جمال عيوني وجداني
.................................................. ..
يفيض الحنان لشوفتك لو صار الفراگ
كحلة رمش عيني علي ومن عيني تنباگ
تمشي ونبض گلبي يدگ الحان الشواگ
راح اعطش لوجهك واضل لعيونك اشتاگ
تغيب المحاسن ياعلي بالحرب
وانت بجمالك تگطع اصعب درب
بيش انا اودعك يبني بيا گلب
يبني علي...
رايح. ورد يبني. علي ومن ترد
بعين الخليقة جمالك ينحسد
ترجع عطش ذابل بيك الورد
يبني علي...شلون اشوف شفافك ذبلانه
يبني علي...وانا عيني لشوفتك عطشانه
يبني علي...ياغرامي وشوگي واحزاني
يبني علي....جمال عيوني وجداني
.................................................. ..
طولك بساتين العشگ وبگلبي مزروع
عشرينك بعيني غصن من گلبي مگطوع
راح اوگف بدرب الصبر واحنيلك ضلوع
لترس سواجي محبتك من فيض الدموع
ترجعلي يبني واگلك ياهلا
بيك شحلاته شملنه بكربلا
بعين الفواطم غيرك ماحلا
يبني علي...
حروف المحبه يالاكبر. شملتك
بس تشمي يبني تبين خلتك
شلون بدمعتي واشوف ليلتك
يبني علي...
يبني علي...شلون اضمن دمعتي عن ليليه
يبني علي...من اردن حيلي فاگد حيله
يبني علي...ياغرامي وشوگي واحزاني
يبني علي....جمال عيوني وجداني
.................................................. ..
تانيني ياروح العشگ مو هينه وتروح
ارحم گلب ليله اليون ويسولف جروح
يم باب المخيم دمع من امك يفوح
من شافتك فوگ المهر ضلت بلا روح
ليلى بخيمها تسولفلك عمر
شافت منية لمن شافت مهر
ناوي اعله حومه زلمها بكل كتر
يبني علي...
نياط بگلبها عليك تگطعت
سدت خيامهه عليهه وفرعت
ياربي ابني واريده شگد دعت
يبني علي...ياغرامي وشوگي واحزاني
يبني علي....جمال عيوني وجداني
.................................................. ..
الملا: محمد باقر الخاقاني
الشاعر: ابو محمد الزبيدي
اسم القصيده: يبني علي
رد مع اقتباس