رد الظعن..... يا اهل الظعن
كل خطوة تمر خسارة وحسرة لمدلله
ماضل وطن....بالطف الوطن
عفناهم غربة اهلنا وجينه من كربلا
مذبوح العمر وسنين المحنه
ودعنا الخدر وردينا لوطن
واليمشي بيسر ينزف صبره منه
مهضومه يم مهضومه ردينا ايد بأيد
غربة وحسافه وخوف...!
كلمن يجلب همومه ودرب المدينه بعيد
وهمه اعله طول الشوگ...
اه ياجدنا.... ولا بشر ينغر علينا
ااه ياجدنا....!ماتلگتنه المدينه
................................................
آل النبي ....ياجدنا النبي
بنياتك من سبيهن.وبأديهن اثر
من الحبل...اجن من السبي
المحد يدري بأسمهن صار اسمهن خبر
ماضل اي اسم مخفي للفواطم
نحر البي تشم فوگ الغبره نايم
ذاك العز حلم يرجع للهواشم
ياجدنا وشنحجيلك صار الذي ماصار
بإهلك تشب النار....
وانت اليصيح دخيلك يتأمن وينجار
ليش اهلك بلا دار...؟!
اه ياجدنا ....بالحبل جتفوها ادينا
ااه ياجدنا....!ماتلگتنه المدينه
................................................
بعد الخيم.... بيوت مهدمه
ردينا ودور اهلنه اعله الثره مهدمه
كلشي نهدم....بالطف نعلمه
دار العز هدموها الجانت لفاطمة
غربة بكل بلد حيره الماكو اختها
شباقي النه بعد ودار اهلي شفتها
مهدومه وعمد ماطايح عفتهه
لا دار الي ولا خيمه مو طولت ياموت
اخذ الگلب ياموت....
يصيح الگلب من ظيمه ويرجع علي الصوت
ماباقي عدنه بيوت...
ااه ياجدنا...هدموا بيوت السكينه
ااه ياجدنا....!ماتلگتنه المدينه
................................................
الذكرى جرح....ياذكرى التمر
سيف يحز بگلبنا ويجري هظمه الدمع
طفله وطفل...يشوفون اليمر
كل ضنهم من اهلنا ولا خبر ينسمع
بكل حايط قهر بكل باب امنياته
بحجرات الگمر يلتمن خواته
محنية ظهر اصغرهن بناته
ذيج الرباب اتاني جوه الشمس وتنوح
ام الطفل مذبوح....
من فارگت خواني اسمي صبح مجروح
والغربة وسط الروح...!
ااه ياجدنا...ياهو ضل حي ويجينا
ااه ياجدنا....!ماتلگتنه المدينه
................................................
الملا: محمد باقر الخاقاني
الشاعر: سيد انور الموسوي
اسم القصيده: رد الضعن
رد مع اقتباس