اليوم صدت ٣٦ سمجة
السلام عليكم
قبل فترة واني اتصفح عالفيس
طلع اكو واحد صيادمال سمج
عندة عودة وشاد ببها خيط وسنارة وطوافة
طوافة مو مال بانزينلا هيج مثل الفلينة
مسويها اشارة من تغطس الطوافة
معناها اكو سمجة جلبت بالسنارة
ويحط بيها عجين بالسنارة ويشمرها
ويصيد سمج
عجبتني الفكرة ورحت المنطقة الشواكة
هاي يبيعون بيها مستلزمات الصيد
واشتريت خيط وسنارة وعندي عودة بالبيت
و رحت للفرن جبت عجين ورحنه اني وصديقي
طبعا الغاية مو السمج
صديقي شاعر ونكعد عالشط نكتب شعر ونتونس وانصيد سمج للتسلية
المهم اول ما شمرت السنارة
جان اصيد سمجة صغيرة
انقهرت عليها ورجعتها
ورة شوية هم صدت وحدة صغيرة
كلت يمكن هاي نفسها رجعتلي
مبينة نفسها دنية
ترست علاكة مي وحطيتها بيها
كلت خاف اشمرها وهم ترجعلي
ومن نريد نروح ارجعها للشط
اشو كل شوية اصيد وحدة
وللمغرب صدت ٣٦ سمجة
كلهن صغيرات
وبيهن فارقن الحياة يعني مو مال اشمرها بالشط
اخذتهن ورجعت للبيت نظفتهن وحطيتهن بالثلاجة
واليوم حمستهن بالطاوة
وياهن تمن ازرك
وسهمكم العافية
الصياد فقار الكرخي
رد مع اقتباس
المشاركة الأصلية كتبت بواسطة رمـْـْْـْــــــــآڊ
