كاسرني مصابك كسر مرايه
يذبحك سيف وتذبحني حجايه
مطلوب اعليك دموع عليك هواي
وابجيلك قضى...عن دهري المضى!!
........................................... ........
يمولاي الحزن اكبر من حجاية بقصيده
قديم مصابك وبيه جديد شما اعيده
الناس تدور ع الراحه. وراحة بال بهذا النوح
انا انطيني بلا روح وذكرك ينفخ بيه الروح
مثل مراية المكسور اجرح غيري وكلي جروح
عايش مذبوح...
مااقنع. من يحرگني صوابك
كون احرك غيري بنار صوابك
وابجي لكل سهم تعدى اطنابك
وصابك..!!
واترس هالفضى....كاسرني مصابك كسر مراي
مطلوب اعليك دموع عليك هواي
وابجيلك قضى...عن دهري المضى!!
........................................... ........
امانه خدمتك كلفه وعجز يحملها جتفي
اعيش سنيني مديونك وانوح وما اوفي
ما تكفي دموعي وربك بس خالقلي عيون ثنين
مايوفي مصابك لو يتحول كل العالم عين
شبجيلك وانت عليك الزهرة تلطم ع الخدين
عذرا يحسين....!
ياحزني البيه نسيت احزاني
وياوردي الماطاح من الساني
وحدك انت وماكو بوجداني ثاني!
گلبي تعوضى ...عن دهري المضى
.كاسرني مصابك كسر مراي
مطلوب اعليك دموع عليك هواي
وابجيلك قضى...عن دهري المضى!!
........................................... ........
يطيب البدن جرحه وانا جرحي بشعوري
الگطع منك نحر مني گطع منحر سروري
مدنك راسي من ابجيلك واستغفر جرحك مولاي
اتهى بزادي ومايي وانت بلا زاد ولا ماي
يالمالك كلشي انا اكبالك ما املك بس هاي
دمعة عيناي..!
لا طعم ولا لون لايامي بس لون الدنيا بعين الضامي
مغمض عيني وشفتك جدامي
لهسه مغمضى...عن دهري المضى
كاسرني مصابك كسر مراي
مطلوب اعليك دموع عليك هواي
وابجيلك قضى...عن دهري المضى!!
........................................... ........
الملا: محمد الجنامي
اسم القصيده كاسرني
الشاعر:عادل اشكناني
رد مع اقتباس