القصيدة؛[دنّيانا ظَلمه]الرّادود؛[مُحَمَّد الجنَّامِيْ]
الشّاعر؛[كَرّار حسّين الكربلائي]
~~~~~~~~~~~~~~~~~~~~~~~~
دنيانَّه ظلمه والضوَه مَاتْ
ومَا ترجَع النّه أُمنا هيهاتْ
خلي النّعش يَمْ زينب يباتْ
~~~~~~~~~~~~~~~~~~~~~~~~
يحيدَّر طَلبْ عدنّا يَوالينّه
ولو ليلة تخلي الوالدة يَمنا
ابزغرنّه تألمّنه تيتمنه
وبعدنه ما شبعنه من حنّان أُمنه
بعدنّه زغار يبويه والوگت ما بي كل رحمة
بعدنّه زغار و نشّوف الدّنيا كلها بعينّه ظلمه
بأم الحسّن شمسّويه الايام
اتموت و عُمرها اثمنطعش عَام
جارِّ الزَّمن يَا طَيب الذات
~~~~~~~~~~~~~~~~~~~~~~~~
الحسّن راح لبو الحمله بچه وگله
چبير اولادّها وحگ فَاطّمَــه اعليه
اريدن نَعش أُمي يظَّل يَمي
خبر موت الحبيبة حَط جرح بيه
علي بويه ترا زينب گلبها اعله امها يتگطع
علي بويه اذا يطلع نعشها روحها تطلع
علي بويه تگول الغالية مو سهله تتودع
عرفتها ليله وحده وتروح
شبگت نعشها وظلت تنوح
بيت و صُفه مَتروس اهات
~~~~~~~~~~~~~~~~~~~~~~~~
واجه حسّين صرخ ويلي انهدم حيلي
انحنّه يَم والدّه واعلى الظهر ايده
يكله الگلب جمره على الزّهره
التموت أُمه بَعد يا صبّر اليفيده ؟!
يبو الحَسّنين عزيز الزّهره مو كلكم تسّموني
يبو الحَسّنين تره بفراگها مينامَن عيوني
يبو الحَسّنين هدم حيلي زماني وانخطف لوني
وخوفي اعلى زَينب خايف تموت
تبچي اعلى نعش أُمها بلا صوت
اتگلها وداعچ كله حَسّرات
~~~~~~~~~~~~~~~~~~~~~~~~
اويلاه اجت زينب .. اجت زينب
وعلي من شاف مشيتها بچيت عيناه
شبگها واهي اتشبگه ابچي و حرگه
تگله اليله خل أُمي تبات اهنا
آنه زينب وحگ أُمي. اعله فرگه امي ما بيه
آنه زينب بعدها بدنيتي ماشوف حنيّة
آنه زينب تره من اموت أُمها تموت البنيه
باب وفتح للنوح الف باب
اوّلها امي يضمها التّراب
راح اگضي عُمري كُله لچمات
~~~~~~~~~~~~~~~~~~~~~~~~
تلّفت عَلي وناده عله اولاده
ارحموا گلب ابوكم بي الف جمره
يولدي وصيتها ابمنيتها
ابظلام الليل لازم ادفن الزّهره
شواسيكم وانه المحتاجلي واحد يواسيني
شواسيكم مستحت دموعكم واني بچت عيني
شواسيكم تره افراگ الزچيه سهم راميني
ما تدري املاك السّماوات
الميته فَاطّم لو علي مات
الوجه الفچر ما باقي سَاعات
~~~~~~~~~~~~~~~~~~~~~~~~
رد مع اقتباس
